回想返生芝芝已經係10個月之前既事喇, 而家一切亦都安排好晒, 好想紀錄下係FTM同返工之間既取捨,由於我係同老公2個月自己坐月, 所以亦都係我地2個自己一手一腳去湊芝芝, 老公好好咁可以放到一個月假陪我坐月, 但換言之即係1個月之後我就要自己一個去湊芝芝, 其實每日都好忙好忙, 時間真係過得好快, 好快芝芝就3個月, 亦就到左我要返工既日子, 我有考慮自己湊,請姐姐, 定係搵姨姨幫忙, 講真,如果自己湊做FTM真係最想, 由初初細細粒見証佢一步步進步,我真係好唔想錯過芝芝既任何一個時刻, 但再諗, 得我老公一個返工, 經濟上真係會有啲壓力, 而且最大既考量係到芝芝大左,我要再出返黎做野, 競爭力就會大降, 所以諗左一大輪之後我都係決定自己返工, 搵姐姐或者係請姨姨湊芝芝, 決定左返工之後就要搵姐姐/姨姨, 本身我同老公都幾抗拒工人, 一黎唔想屋企多個人係到, 二黎芝芝太細, 怕萬一姐姐真係蝦佢,都無辦法可以知道, 所以最後又決定搵姨姨湊, 一開始都幾迷茫嫁, 完全唔知係邊搵, 又驚搵得唔好, 又怕佢唔錫小朋友 最後經媽媽group既其他媽媽介紹左一個facebook page, 睇左一陣就決定出post睇下會唔會搵到岩心水既, 出左post無耐就有人pm我喇, 傾左一陣仲發現原來大家住得幾近, (行路10分鐘左右) 姨姨仲好好咁叫我地帶埋芝芝先去佢屋企睇下,睇下大家感覺點先, 咁第二日我地就去左姨姨既屋企, 傾左一大輪, 覺得都好岩, 我自己感覺良好, 而且最緊要既係我覺得佢可以配合到我原本既湊法, 所以就係咁就決定左將芝芝交俾姨姨照顧, 芝芝由3個月開始到而家10個月都係姨姨湊,芝芝好好,姨姨都湊得好好,  我自己都非常感恩可以搵到個好好既姨姨幫我湊住芝芝, 令我可以放心去返工   姨姨仲會自制玩具同芝芝玩! 好好心機耐性嫁!