【 弟弟成長紀錄 】|  朝夕相對的四日三夜  因為防疫措施，醫院唔俾陪產和任何人士探訪，生完之後見過老公一面就入產後房，老公真係勁好，無得陪產但堅持係產房外等到我生完出黎，為的就係可以見到一面！ 生產後的各種不適，腰痛再加上傷口痛，又無人可以陪我，原先以為自己會好抑鬱，點知因為二等房實在太乾淨舒服，空間又大，勁多窗好光猛，心情都靚哂！ 因為QE係母嬰院，主張母嬰同室，方便餵人奶，但好彩QE 二等房的姑娘，姐姐全部都勁好人和溫柔細心，我餵完奶後就會帶走弟弟主動幫我掃風換片，俾我可以好好休息，真係好感動。 弟弟都好乖，雖然扭奶會喊到拆天，但飲完奶就訓，其他BB大喊佢都無反應！ 勁掛住Aidan哥哥，多得公公婆婆同姨姨們的全力幫助，可以全天候陪伴哥哥，我先會咁放心，love you all！ ————————————————- 歡迎連絡安妮媽媽： Facebook專頁： 安妮媽媽親子日記 IG: @Annie_mama_diary | 安妮媽媽親子日記