2020-02-19&20     行程黎到尾聲啦呢日我地去擁有世界遺產嘅：宮島     今日又可以悠悠閒閒咁出發，8點幾大家齊齊醒（我係鬧鐘響，兩兄弟係自然起埋身） 一早就攬頭攬頸 留低食個早餐先     去宮島口站可以搭JR或路面電車，由於我地有JR pass咁當然搭JR啦 係宮島口一出站，向前看已經見到要搭船嘅地方 無記錯15-20分鐘會有一班船，我地有JR pass，所以呢程船唔需要再額外俾錢。隻船大到係可以最低層連車入都得不過係室外真係超級咁大風 遠遠有布包住個度就係世界遺產：嚴島神社，殘念我地去時遇上整修     呢度好似奈良咁，隨處見到鹿，軒軒唔驚阿不過聽聞呢度係唔可以餵鹿（如果我無搞錯的話）     我地一點前到達，正值潮退，中意嘅話可以行落去，不過既然最想打卡嘅世界遺產整修緊，我地就唔買飛入去啦.......     宮島仲出名『蠔』，所以lunch我地都要去試下啲蠔 呢個蠔雜坎又大碗又好味     食飽飽就到行街時間話說宮島都好出名飯枃 行下行下，鬆弛熊大出血阿，買左成超過＄500野 再隨意買啲小食飲品，慢慢行番去碼頭搭船 再轉JR番廣島站，買件cake番酒店小休一下     最後一晚，點都要試下廣島燒嘅～     食左個好靚嘅薄荷雪糕就執行李時間     第二日又係8點幾齊齊起身，一起身兩兄弟又相親相愛 Check out後食小小早餐再行下 big camera     12：20 係JR廣島站搭機場旅游巴去機場     一小時後到達，去到岩岩好HK express開始可以check in，搞掂哂又係去番到埗個日睇到飛機個間餐廳食野 呢份係兒童餐黎架，真係好大份     係國內線入閘隔離某個角落，有個小小位置可以俾嬰幼兒玩下，再行下啲鋪頭作最後衝刺，就入禁區啦 真係好細，一入左禁區，後面已經一出就係我地嘅登機閘口，零距離     回程我地訂左b.duck兒童餐俾軒軒，機組人員會一上機問我地想幾時上餐，我地選擇起飛後一小時先上，玩具就俾左我地先，係b.duck機長。 同出發時一樣，兩兄弟起飛緊就訓左，上飛機餐一陣軒軒就醒左啦，個肉醬意粉幾好食㗎     咁就順順利利結束八日七夜之旅嚕～我呢刻好想去旅行阿                   產品試用/活動邀請/其他合作 歡迎聯絡：tanleesharon2004@yahoo.com.hk 謝謝 Fb: [http://www.facebook.com/leessssfamily]