話說未有MATT豬之前, 其實我同老公一直都好想生女的 (無諗過係仔架, 哈哈)~ 總係覺得生女仔會好SWEET啦，聽話D，細心D同顧家啦 等等.....同埋最想係可以幫佢扮靚靚，大個囡又可以同媽咪一齊行街high tea 最後....我曾經幻想生女既夢已經被幻滅左喇 好記得當15 Weeks去產檢前，已經好期待想知BB係男仔定女仔呢？誰不知當日一照超聲波時醫生一睇已經問：答案好明顯喇，你地睇唔睇到呀？個一刻心仍好想好想係女仔，但我睇到粒「池菇丁」真係幾明顯 之後醫生笑笑口即話係男仔呀！坐係隔離既老公即刻好失望咁話點解唔係女架？（恨女恨到呢）我即刻好得戚咁話我有個小情人你無喇 哈哈哈~~~ 不過一出左醫生房後，我地即刻返回現實咁講生仔生囡都好「只要健健康康出世」就得喇！因為都係我地既愛情結晶品，一樣會好愛佢的 之後整個懷孕期我都慢慢墜入愛河 成日諗BB就係我的前世情人（無老公份囉，暗爽中） 畢竟BB由一粒胚胎到慢慢變成人仔，係肚裡面每日心連心奇妙既感覺已經注入左我嘅血脈之中～～ 到 BB出左世之後每日望住佢可愛既樣，不知不覺間已經忘記左本來好恨女既感覺！變左有仔萬事足既感覺！   而家Matt 豬就黎5個月喇～我呢個阿媽愛仔既程度每日都增加！講出黎都有啲瘋癲 只能說異性必定會相吸！生仔真係會有戀愛嘅感覺（自我陶醉），由佢開始識互動，識對住我笑，有時又會好嗲咁既聲同眼神望住我，我就開始充分左頭腦 會覺得好sweet眼裡只有仔 日日都同BB講I LOVE YOU & 我愛你/好鍾意你呀 等等~~（我係戀仔狂） 唔知生仔既媽媽係咪都會咁既呢？ 趁住佢未識得駁咀, 未識曳唔聽話, 我會好好珍惜呢種感覺, 哈哈 希望Matt豬會係個小暖男, 大個唔好太激心，等我可以我戀愛耐一點啦(幻想中） 以上純粹個人意見&分享，大家可以自行評估適合/不適合喔~~(如有問題, 歡迎PM我) 歡迎FOLLOW Matt豬媽媽 INSTAGRAM / FACEBOOK 交流更多懷孕/育兒心德 歡迎產品試用/邀犒合作/活動邀請: EMAIL chuimei_chung@yahoo.com.hk ​​​​​​​​​​​​​​     <br />