今日就同大家講下奶樽。奶樽呢樣野好重要，BB頭半年每餐都係飲奶，如果唔係埋身餵嘅媽媽，奶樽係一定要有嘅必需品。大肚果陣，聽啲媽媽講，啲BB會簡奶樽，所以要買定幾款奶樽先得架。有啲奶樽又會飲到BB好多風，好易嘔奶。果陣上網睇下邊啲多人用，我就買咗三款奶樽俾麵包用。我簡咗Pigeon 闊口Ppsu 奶樽，Avent Natural PP 奶樽，同埋Chu Chu 嘅玻璃奶樽。點解買呢三款，其實都係上網見多人用，同埋大牌子，所以就買咗。   麵包一出院返到屋企就用Pigeon 闊口奶樽，我係泵啲人奶出黎餵的。泵奶嘅儲奶樽係用Medela，但佢係窄口奶樽，所以每次泵完，我都要倒返去pigeon 闊口奶樽度先餵到。當初點解會簡闊口，因為聽啲媽媽講容易清洗，同倒奶粉方便啲，所以就簡咗闊口。其實媽媽們應該睇下自己係唔係餵人奶，同埋泵唔泵出黎餵。如果係，就應該簡窄口奶樽，因為可以直接泵入去餵，咁就唔洗洗多幾個奶樽。其實有轉駁器，但都係要洗多一件野，不如正直用窄口咪仲好。如果係飲奶粉，咁就最好簡闊口，因為倒奶粉真係易好多，唔會倒到周圍都係，要抹枱又浪費。   麵包一直飲奶都飲得幾好，仲飲得好快，所以我都有按住月齡去幫佢換奶嘴。至於多唔多空氣呢方面，因為麵包唔肯飲其他奶樽，所以我比較唔到。但我覺得麵包用完pigeon 又唔會特別難掃風，但間唔中都會嘔下奶。反而我覺得掃風個重點係在於手勢多於個奶樽。因為陪月姨姨次次都好順利同好快就掃到風，但到我掃就慢好多，搞到佢嘔奶機會都大啲。   麵包除咗pigeon , 其他奶樽都唔肯飲，所以Avent 同Chu Chu 嘅奶樽都浪費咗。加上我果陣只係求其買，完全無做資料蒐集，覺得好浪費。今次我做咗個好詳盡嘅報告: 1. 講哂每個物料嘅特性 2. 耐熱程度 3. 奶樽闊口窄口好處壞處 4. 奶嘴有咩物料，好處壞處 5. 奶嘴有5款孔洞，每款嘅特點 6. 仲有啲奶樽奶嘴消息方式等 希望可以幫到各位媽媽，因為每個BB嘅情況都唔同，喜好亦都唔一樣，所以媽媽們了解多啲，咁就可以為自己BB簡到合適嘅奶樽同奶嘴喇！   另外我仲搵咗14個品牌嘅奶樽資料，有哂出產地，大約價錢，該奶樽用咩物料，有幾多款容量，奶嘴物料，有幾多款流量，每款奶樽嘅賣點，如果想知更多，我仲提供埋網址，google 都唔洗搵，就可以一目了然。我用咗好多日先搵到啲資料架，希望幫到媽媽們^^ 想要完整版嘅Power point or Excel ， 1. Like & Follow my page 2. 留言想要乜 https://www.facebook.com/105824811066340/posts/131366468512174/?d=n 我就會send 俾你架啦:)   Follow ~~Zoe & Bread~~ FACEBOOK: www.facebook.com/zoeandbread/ IG: https://instagram.com/zoe_and_bread?igshid=q6d4pq05m638 She.Com : https://blog.she.com/zoeandbread