相信疫情爆發以來，大家的facebook經常被美食照片洗版，很多「無飯媽媽」突然變「廚神」，孫師奶也唔例外，真的要感謝「武漢肺炎」！   飲食方面，孫姑娘自加固一直以來都挺乖的，非常珍惜食物，通常都會食完為止，連零食手指餅也唔例外，所以我們都乘機愉懶，沒有好好用心為孫姑娘預備餐飲。直至上個月幾乎日日食粥，食到厭倦，開始變得揀飲擇食，每晚食飯都像打仗一樣，大家身心俱疲......   直至三月尾，有晚老公突然一言驚醒夢中人。我們怎可以怪阿女? 將心比己，日日食基乎一樣的食物都會厭倦，更何況一個只有14個月大的幼兒呢？當晚我終於醒覺，的起心肝不斷用盡所有網上工具，研究不同簡易兼適合幼兒的食譜，又不斷想辦法調製嬰兒版本，務求令阿女食得開心，有新鮮感之餘，食得更有營養。事實證明，親力親為，會更加觀察到孫姑娘的飲食喜好和習慣，見到阿女食得開心，非常滿足！ 轉眼間，默默地堅持了一個月，完全說不上煮得好，但自己煮過就會更加明白，煮食真的不難，難就難在要想今日煮什麼！真心佩服煮了很多年的媽媽，現在輪到我為女兒做多少少，繼續堅持每日為孫姑娘親自預備最少一餐♡♡♡   ♡孫師奶背景♡：香港土生土長的女生，屋企人擅長煮食，亦不主張我入廚房，一直都有嫲嫲、爸爸、媽媽、老爺、奶奶同埋老公照顧，所以從來都不用入廚。婚後間中做「假日煑婦」，生BB之後繼續工作，有工人姐姐煮飯，總括來說入廚經驗值極低。 幸好網絡資訊非常豐富，只要有心上網學習，好容易就可以搵到「零失敗」的煑食教學。世上沒有唔識入廚嘅媽媽，各位媽媽加油：）   ♡小小心得分享♡：由淺入深，起初由「零失敗」、食材簡單嘅食譜開始，唔好一嚟就越級挑戰，見到自己嘅成品會有滿足感，慢慢累積經驗同滿足感，然後再挑戰難度比高嘅食譜。 ---------------------------------------------------- ♡孫師奶♡ 80後女生 l 香港媽媽 l 加拿大移民 https://www.facebook.com/workingmamabyemi