[小熊與薯片兔的生活日常] 初生照   Day 36 係薯片兔妹妹影初生照嘅日子..   講明初生照，梗係要愈早影愈好啦.. 一般都建議在出生後，第5-12天內影... (因為妹妹早產兩個月，Day 5-12 時仲喺醫院嘅NICU)   Day 24，妹妹出院回家... 我就馬上聯絡攝影師，安排攝影師上門拍照... 攝影師建議馬上安排，但係妹妹喺 Day 25-35呢十日期間，經常要返醫院覆診，所以安排左 Day 36影相..   拍攝前，會先同攝影師溝通好..  1. 影左屋企環境相俾攝影師，俾佢睇下屋企有冇足夠位置俾佢set野拍攝...  2. 揀好自己喜歡嘅bb造型，等攝影師提前準備好道具..  3. 準備好拍攝當天嘅衣服，因為會有家庭照 (好似我咁一家四口，可以諗定著咩衫.. 最後我決定，小熊哥哥同媽咪著藍色牛仔為主，薯片兔妹妹同爸爸著粉紅色)   由於初生bb，我唔想特登帶bb去影樓，所以安排左上門拍攝 (咁岩最近又遇上”新冠肺炎”，我更加唔想帶初生bb出街).. 拍攝當日，攝影師到達屋企後，都有做好防疫措施，帶晒口罩，消毒好全身同所有拍攝道具先入屋..  然後就開始set 野拍照...    我揀嘅影相package係包3套衫，但實質影相時，其實都有7-8個唔同造型 (啲造型係由3套衫仔演變出黎，即是轉少少頭飾/背景/道具之類).. 雖然只係轉左少少野，但感覺都好唔同.. 前前後後，影左大概兩個鐘左右...拍攝期間，包括換衫，餵奶，氹bb都由攝影師包辦... 攝影師仲準備左個全新嘅奶嘴(Philips Avent Soothie)，以備不時之需.. 影相package中，仲包括左家庭照，攝影師氹得小為哥哥好掂，笑到見牙唔見眼，張家庭照係我地第一張全家福，好靚...    影完相之後，我當然好期待睇相啦，攝影師會俾我喺佢相機preview一次啲相(如果媽媽心急，可以先揀一兩張相俾攝影師執定相先).. 然後等大約一星期左右，就會收到初步調左顏色/光暗嘅全部相片... 揀好自己喜歡嘅相片後，同攝時影師溝通好，就會喺一個月後收到final retouch嘅相...   我暫時係收到初步調色/光暗嘅相，但已經好滿意... (影相，真係值得留俾專業嘅人.. 特別初生照，要把握時機)   Setup 1: Setup 2: Setup 3:   拍攝：My Hema Baby Photography https://www.facebook.com/shop.myhemababy/   #初生照 #myhemababyphotography #小熊與薯片兔的生活日常  #小熊與薯片兔媽媽 #香港媽媽 #香港blogger #澳門媽媽 #澳門blogger =============================== Facebook： https://www.facebook.com/jaynjocemami/   生活易靚太 club： https://wow.esdlife.com/bi_be   香港媽咪幫 mamibuy：小熊與薯片兔媽媽 https://mamibuy.com.hk/home/19407