驚到痴線! 百痴的我以為剖腹產係下半身全無感覺架。原來整個過程都很有感覺。 首先姑娘推我入手術室，幫我捲埋到好似蝦米咁，然後靚女麻醉師就係我手種豆同埋係我尾龍骨打麻醉針。期間千其唔好郁，咁就會好快完成。 哩個過程計埋我驚既時間大概用左15分鐘。然後對腳好快就麻痺左，手術就開始啦。 雖然係有塊布遮住，但係醫生係腳開刀的動作，手術刀的移動，透過塊布既影同聲，仲有其實本身身體都仲有少少感覺到移動架。個感覺原來係好驚架!  好彩老公可以陪產，有佢係度講下野，分散下注意力。大概10分鐘阿B就出世啦！ 之後麻醉師幫我地影下相，醫生就繼續縫針。慢慢開始冇咁驚。手術大概45分鐘終於完結。 終於做左人阿媽啦！ 好彩手術室內所有姑娘，醫生，麻醉科醫生都好好人，盡量講下笑，希望令我冇咁驚。 非常感謝寶血醫院的護士，邱佩琪醫生。佢地真係好好呀~~