2017年11月24日...我宣佈懷上第二胎... 好多朋友問我係唔係意外??? 因為...好少人隔咁耐再生... 問我那來的勇氣??? 因為...一切要從頭開始... 如果可以回到過去...我倆會選擇一早為星月添一個伴... 可以讓兩個小孩吵吵鬧鬧咁渡過童年...一定比獨樂樂好... 星雨已經兩歲啦...等我講下點解啦... 早在星月六七歲的時候...姑奶已經叫我要生好生... 當時未有仔細想清楚...諗住一個夠哂... 到幾年前發生左一件事...我倆驚覺到我倆將來百年歸老既時候... 星月剩番自己孤零零一個人...身邊無一個可以互相依靠既親人... 讓我倆漸漸萌生生多一個既念頭... 我倆希望星月在世上至少有一個親人...讓星月唔會感到孤單... 萬事有個親人有商有量...唔需要下下一個人決定... 緣份來了...星雨在2018年4月出世了... 星月多了一個親人... 我們的家由三人行變四人行... 多了一個...家中歡樂聲多了... 年紀相隔十三年...我倆唔敢肯定星月同星雨之間會唔會有代溝... 或者佢地唔會無所不談... 或者佢地唔會攬頭攬頸... 初初識得叫姐姐... 姐姐放學回家就會不停咁叫姐姐姐姐... 爸爸媽媽鬧鬧就會去揾姐姐求救... 不過...好多時會找姐姐麻煩...阻住姐姐做功課... 星月在忙裏偷閒既時候會抱抱妹妹...鍚鍚妹妹... 見我忙到一頭煙既時候會主動幫我照顧一下妹妹...   老實說...我倆覺得星雨既出現的確讓星月長大了不少... 唔知道過多幾年...星雨番小學...星月會唔會代替我做伴讀書僮... 陪伴妹妹温習...應付一個又一個既考試同測驗呢? 我諗我想得太多了...過多幾年... 姐姐應該會有自己的忙碌... FACEBOOK 專頁 : https://www.facebook.com/mrmoon.renelee INSTAGRAM ~ MRMOONMOON     聯絡我 ~ bbg1668@yahoo.com.hk