同BB出街有好多野要準備 出一次街要帶嘅野都有好多~ 我同麒豬出街要準備d咩呢？ 1.媽媽袋 「媽媽袋」係每次同BB出街必備 一個袋入面會有齊BB嘅必須品 又可稱為「媽媽版百寶袋」不過每個階段 帶嘅野都會有所不同 ~奶樽(2M+嘅時候要帶3個 到而加9M+帶1個都ok) ~沖奶三寶【熱水.凍水.奶粉】 (雖然麒豬已經10個月 不過我平時驚佢出街吾肯食加固食物 所以都會帶一格奶粉 做後備食糧) ~隨身暖奶袋 ~隨身消毒樽 ~換片三寶【尿片.濕紙巾.尿片墊】 ~1-2套替換嘅衫(因為麒豬有試過出街爆片 所以我會帶定1-2套衫替換) ~紗巾&口水肩&汗巾 ~玩具 ~牙膠 ~後備奶嘴(1-2個) ~膠袋(衞生問題所以都會用膠袋包好先丟) ~防水袋(用泥分類出街用品) 加固後新加入: ~零食盒+零食(身為一位為食B 零食盒入面嘅零食 係絕對吾少得嘅) ~餐具+圍兜 ~温暖瓶+正餐(有時出耐d街 就會帶埋麒豬午餐/晚餐 例如飯糰.麵包) ~水樽(食完正餐/零食 比佢飲水用) ~防水墊(因為麒豬會食到周圍都係 所以帶埋防水墊 方便麒豬食飽飽之後我地清理現場) BB版防疫用品:(為求安心用品) ~思樂濕紙巾(食完野抹手用) ~Babyganics無酒精泡沫搓手液 ~後備BB口罩 可有可無用品:(其實好少用到 不過帶慣左 又驚想用嘅時候無得用 所以依然帶埋) ~棉花棒(忽然見到佢個鼻/耳有污糟野 可以即刻清理) ~清潔棉(食到成面都係 就濕水用泥抹面) ~BB面霜(抹完面搽) 2.BB車/揹帶 (出街耐通常就會2樣都帶曬 因為佢有時坐坐下BB車又吾肯坐) BB車裝備: ~雨罩 ~坐墊 ~BB車掛勾 ~BB車掛袋(放紙巾,BB驅蚊貼,BB驅蚊液) 夏天必備: ~遮光布 ~風扇 ~涼墊 以上就係我平時同麒豬出街會帶嘅用品 吾知各位媽媽出街又要帶幾多野呢? 鐘意我嘅分享歡迎Like我同麒豬嘅Facebook同Follow我地嘅IG支持下我地(Update得最快哦~) 歡迎Follow小麒豬成長記: IG:https://www.instagram.com/lkeiminipig?r=nametag Facebook專頁:https://www.facebook.com/小麒豬成長記-103634774382993/ U Blog:https://blog.ulifestyle.com.hk/blogger/lkeiminipig/ MamiBuy香港媽咪幫:https://mamibuy.com.hk/home/17775 Esdlife:http://wow.esdlife.com/lkeiminipig 聯絡電郵: lkeiminipig@gmail.com