仲有半個多啲就到小一派位放榜喇，你準備好未?  我已經安排好長老係6月3-4號留在家中等結果，第一時間講消息我聽，派到第一志願固然好，但派唔到都唔好表現太失望，尤其係小朋友面前! 應盡快收拾心情去叩門，希望在明天~~ 做人要有兩手準備，唔好臨急抱佛腳再講多次，機會係留比有準備嘅人! 所以，趁仲有時間，快快趣攪掂以下叩門要準備嘅文件*(正副本)~ 1) 小朋友出世紙 2) 家長身份證 3) 派位表格 4) 幼稚園成績表 (主要係K3成績表，但可準備埋K1-K2以內不時之需) 5) 證件相 (未影唔緊要，教你自製仿韓式證件相: https://bit.ly/2Z5wxuH ) 6) 領洗紙 (部份教會小學有領洗紙有優勢) 7) 證書/ 獎狀 8) 貼足郵票的回郵信封 (A5或更大，視乎個別小學要求) 9) 申請信 (部份學校已上載至校網，可預先print out填定) 10) 自薦信 & / 校長推薦信 (手寫更表誠意，切勿直接倒模網上範本，應以叩門學校教學理念為基礎)  11) Portfolio (以前已post過範本，有興趣去呢度睇返: https://bit.ly/3fMDDdG **每一間學校要求不一，所以滓備前可先到心儀學校網站看清楚，以免做少左!! 準備好叩門文件後，就要留意交表時間表同點樣遞交 (親身/網上交/郵寄)，而最最最重要梗係睇定學校叩門考啲咩，所謂知己知彼，百戰百勝啊嘛! 我就上網搜尋左香港大部份熱門學校嘅過往叩門名額、申請人數、面試內容等...等我略略list out 幾點: 自我介紹 (英語機會大)  畫畫或看圖書再present 看圖卡講故事 朗讀中/英文文章 簡單數學題 日常生活/ 情景題 (今年疫情咁嚴峻，可能問會及小朋友點學習) 小朋友是否禮貌、有耐性、解難能力等 如面見家長，可會問及學校教學理念，在家點樣教小朋友，平時小朋友同家長嘅互動等。 不過，今年情況相對特別，以往學校嘅作風都可能有所更改，以上所提供資料僅供參考。如想更詳細知道熱門學校叩門考咩野? 去呢度睇下: https://bit.ly/2Lu1D7d 更多親子分享，請Like & Follow 鯨魚家姐‧蝦子細佬Facebook 同IG啦!