安妮媽媽第二胎QE產後二等房住院分享 今胎生完後可以上到二等房，真係好開心，因為第一胎時排唔到，覺得有d可惜。 QE二等房係三人一間房，每個人的床位空間都好大，左右兩邊都好闊落，床邊有置物枱，櫃桶和儲物櫃，可以方便拎野，另一邊會有張小沙發和餵奶枕，每人都有個大衣櫃放入院袋等物品。 每間房都有獨立洗手間，對產後有傷口痛的媽媽黎講真係好方便，唔使再行咁遠，而且得三個人共用都衛生好多。 另外好多準媽媽最關心的探訪時間，由於疫情關係，醫院已經取消所有探訪時間。如果有物資想要，可以照樣叫老公或屋企人拎到病房門口，我地係可以出去一陣見下面，但當然BB就唔出得去啦。又或者講清楚床位，俾姑娘轉交都得。 每日朝早姑娘會俾張餐單我地填寫，可以揀選第二日的早午晚餐，中式西式甜品都有，好多選擇，而且味道都唔錯！每日除左有早午晚餐，仲有下午茶和宵夜。   媽媽們產後除左休息外，當然要學習餵母乳和換片，頭幾次姑娘會教我地，之後就要自己攪掂喇！新生兒要不停檢查有無濕片，睇下每日的濕片數目合唔合格。 每日都要記錄低餵奶，小便和大便的時間。 生產後的各種不適，腰痛再加上傷口痛，又無人可以陪我，原先以為自己會好抑鬱，點知因為二等房實在太乾淨舒服，空間又大，勁多窗好光猛，心情都靚哂。 因為QE係母嬰院，主張母嬰同室，方便餵人奶，但好彩QE 二等房的姑娘和嬸嬸們全部都勁好人和溫柔細心，夜晚如果媽媽們有需要，佢地都會帶BB出去，到餵奶時間先帶番黎，可以俾媽媽們有休息的時間。 弟弟都好乖，雖然扭奶會喊到拆天，但飲完奶就訓，其他BB大喊佢都無反應，順利渡過係醫院的四日三夜。 ————————————————- 歡迎連絡安妮媽媽： Facebook專頁： 安妮媽媽親子日記 IG: @Annie_mama_diary | 安妮媽媽親子日記