出面成日都30幾度, 熱到滴晒汗, 開住冷氣都成頭濕晒~ 所以而家lunch我地會整冷蕎麥麵食~~ 凍凍麵再浸埋透心涼嘅汁汁, 爽晒~~~   材料: 蕎麥麵 1包 (2人份量) 蟹柳 5條 有機青瓜 1條 有機雞胸 2件 蛋 2隻   蕎麥麵汁材料: 醬油 50ml 味琳 80ml 鰹魚高湯 400ml   做法: 蕎麥麵汁: 先將醬油及味琳煮滾, 放涼後加入鰹魚湯高雪凍即成   蕎麥麵: 1. 蕎麥麵按包裝指示煮熟, 然後用凍滾水沖洗至全涼 2. 雞胸肉洗淨抹乾後以半茶匙醬油及半茶匙味琳醃15分鐘, 然後蒸7分鐘至全熟, 放涼備用 3. 蟹柳烚熟後放涼備用 4. 蛋打勻後煎成蛋皮, 切絲   5. 青瓜斜切後再切成絲   6. 將放涼後的蟹柳及雞胸撕成絲狀, 連同青瓜絲及蛋絲排好   7. 蕎麥麵放在隔水碟上, 進食時沾上蕎麥麵汁   2歲以上咀嚼能力良好就食得喇~ 影片食譜 >>按我<<   呢個近期簡直係米豬至愛午餐之一~~ 只要一講: 食冷麵喇~ 佢就會乖乖洗手埋位~ 又可以點汁又有得食, 咁好玩梗係食唔停啦~~   仲不停話好味, 要比叻叻我喎~~   如果未學jar快筷子嘅小朋友, 可以利用呢個機會好好咁練習呀~~~   煮食小貼士: 1. 如果小朋友好細個, 麵汁可以完全走味琳同醬油, 齋用鰹魚高湯已經好好味ga na~ 鰹魚高湯食譜可以參考呢度 >>鰹魚高湯食譜<< 2. 大人食嘅話可以買現成嘅冷麵汁, 如果唔怕比小朋友食, 可以溝凍滾水, 我有時懶都會用呢招ga~ 大約水同冷麵汁比例大約5:1 3. 大啲嘅小朋友麵汁可以配白蘿蔔蓉, wasabi 4. 青瓜最好買有機, 溫室刺青瓜, 千祈唔好買意大利小黃瓜, 唔爽ga~~ 唔好買錯   米豬豬的page~ 每日都update~  歡迎各位like & follow~ 亦都歡迎大家聯絡我同米豬豬一齊試用產品或合作~ https://www.facebook.com/NereusYu/