當bb六個月大開始，除左飲奶之外，亦要開始慢慢引進固體食物俾佢地，軒軒當時我選擇左同佢行BLW呢條路，晞晞依家同樣都係。 不過我以下呢個食譜都適合行TW到8個月以上嘅bb食用     材料： 三色椒（視乎bb食量） 鱈魚柳（視乎bb食量） 蕃茄 2-3個（視乎蕃茄大小size） 蒜蓉  少許（可省略） 螺絲粉   我用零鈉三色螺絲粉（視乎bb食量）     ------------------------------------- 步驟： 1）將所有材料洗乾淨後，用一個煲先煮螺絲粉同鱈魚柳 2）另一個煲落好少油起穫＊，落蒜蓉炒香 3）落蕃茄煮一陣〔我會篤爛啲蕃茄，因為主要想要個汁〕 4）落埋三色椒，然後加上至蓋住食材，細火滾起＊＊ 5）加埋螺絲粉同鱈魚，所有食材熟哂就得     備註： ＊我選用牛油果油。bb加固都需要油份煮食架，想要bb有靚便便要有齊油份、水份、纖維。當然bb落嘅份量只需要好少好少好少！ ＊＊大火會收哂啲汁，所以細火好啦 ＊＊＊如果係TW嘅bb，只需再整爛啲食物就可以     同場加映，有個食完幫手抹下枱嘅小幫手     同場再加映，諗住試下佢啲小肌肉，岩岩9個月大嘅晞晞，都開始可以用前二指放食物入口佢食緊自家製南瓜饅頭                   產品試用/活動邀請/其他合作 歡迎聯絡：tanleesharon2004@yahoo.com.hk 謝謝 Fb: [http://www.facebook.com/leessssfamily]