母親節當日，峰細佬開始發燒了，每當小朋友無任何病徵而發燒不退，我是怕的！ 幸好屋企長期有退燒藥看門口，唯有食住退燒藥止一止先 每隔4小時食一次，我連半夜都撐起身量體溫，一有發燒就餵藥 觀察左一晚，似乎食左藥，對細佬無乜效 放是第二日即刻叫哥做司機，載我去轉佐敦睇醫生！ 醫生話：耳仔有啲紅，喉嚨有啲紅，鼻膜有啲紅，牙肉有啲腫，肺、氣管、扁桃腺都無事，因為無流鼻水無咳，我就唔開呢方面既藥，開啲藥減輕佢啲紅腫，睇吓佢點先啦 於是乎選擇繼續食住藥繼續觀察，藥食左第2日，醫生好好的，會打來問診，最後當然會加插一句：如果未好緊係要再返黎復診啦 我的心，動搖了，細佬雖然有退燒過，但轉個頭又好快燒番，溫度一直維持住99 100 101  星期三，我見細佬無好轉，我最後決定先找Dr Chu，我選擇先whatsapp她，她很好，醫生打返比我，再同我分析，醫生話：既然都燒左幾日，食左藥又唔退燒，咁入醫院檢查比較穩陣 仁安？荃灣港安？由於疫情關係，每間醫院做法不一 但因為要方便自己方便先生，唯有選擇仁安 入院前先付費用($3500)幫細佬做快速測試，証實無新冠肺炎才可以安排入院上病房 帶細佬去醫院前先安頓左哥哥，好彩媽媽立即來把哥哥接回大埔，我就安心帶細佬去醫院...... 的士=>仁安   先幫細佬抽鼻液...抽完等結果，等待時間要2-3小時 的士=>回家   食晚飯時收到醫生電話，細佬沒新冠病毒，可以安排入院了 的士=>仁安   體溫測試完，就幫細佬辦入院手續 搞完一輪，上左病房，醫生都有黎望望細佬 因爲今日細佬身上開始出左啲紅點 醫生得出結論可能係玫瑰疹、猩紅熱、川畸症 要抽血 驗尿 驗便便 驗鼻液 驗喉嚨  好快就可以安排檢查 驗喉嚨～先用枝棒棒申入口內深處 抽血～嘩！真係好肉赤，心很痛哩！抽完仲要種住枝豆響手 驗尿～痴個尿袋響JJ位度 驗便便～有工具把便便挑入樽內 驗鼻液～入院前已做，可以省卻 檢查完畢，返病房了～～由於細佬經過一輪戰鬥後，怕了 一放床就哭，哭著講No!No!No! 唯有抱住，放他在自己側邊睡覺去 因爲太勞碌，累到整晚都不能深層入睡 第二日醒來，跟細佬響病房裡ipad youtube 醫生來巡房時話：初步懷疑尿道炎，因為尿液樣本顯示有尿道炎症狀，但血液報告上數字又不屬於尿道炎，所以我地要再驗尿再睇報告才有定論 於是細佬再一次放上尿袋留尿，棉花一濕即找姑娘，新鮮滾熱辣既尿終於成功交比姑娘 等待結果往往就最漫長～～由早上等到晚上 醫生巡房又到～～果然是good new～～ 細佬証實是......玫瑰疹 燒完全退了～醫生批准出院回家了 完!!!!!!!