大家好, 今次係第一篇文章, 希望記錄返檸檬茶BB出世既一刻. 7個月後回顧生B時刻! 整個孕期檸檬茶BB既SIZE & 體重都好正常,直至37w 產檢, 醫生發現檸檬茶BB 肚腩仔比預產期大2w, 擔心BB所以通知檸檬茶媽媽提前入院催生. 原來預產期05/10/2019, 醫生通知我提前01/10/2019 入院催生, 一直又驚又喜, 期待已久既檸檬茶BB終於出黎同爸爸媽媽見面了. 01/10 下午, 檸檬茶爸爸陪我入院,辨好手續爸爸送我入產前房,就先離開了. 醫生檢查宮頸未成熟, 所以要先塞藥軟化宮頸先可以安排催生.大約11:00pm, 醫生就安排幫我塞藥, 當晚個肚都唔太舒服, 所以訓得唔太好. 02/10 4:00am, 我個肚太唔舒服完全訓唔到,所以係走廊行下又上床休息下希望可以舒緩. 直至7:00am, 個肚真係太唔舒服通知左姑娘,姑娘通知我8:00am 醫生巡房, 到時再同醫生講下. 終於等到8:30am – 9:00am, 醫院終於巡房. 塞藥一晚, 醫生話宮頸成熟了, 不過希望我可以自然穿水, 所以通知我先觀察.期間由於太攰了, 我一直係半睡半醒狀態. 大約10:30am姑娘幫我駁機檢查宮縮情況,我都係半睡半醒. 好記得大約11:00am, 突然”卜”一聲, 我驚醒左,發現原來我‧穿‧水了. 突然穿水自己反應唔到, 按鍾通知姑娘, 自己下身全濕(係相當尷尬=.=”) 醫生黎左幫我檢查, 通知我宮頸成熟了亦已經開了2度. 下午產房有位可以幫我轉去產房待產了, 當下以為自己好快生得, 所以馬上打電話比檸檬茶爸爸, 通知爸爸下午請假黎醫院.檸檬茶爸爸好好,買埋飯12:00pm 黎睇我,婆婆都一齊出左黎, 由於我同佢地都覺得可能好快生得, 所以過左探病時間後, 爸爸同婆婆都係門口等. 3:00pm 終於有位可以轉去產房,由於其實係未生得,所以通知爸爸同婆婆先走, 今晚探病時間先再黎. 6:00pm 檸檬茶爸爸、婆婆、公公、姨媽都黎左, 爸爸仲買左麥當奴比我食(係我要求的,仲要飲可樂,哈哈)但當時仍然無任何動靜,我亦行動自如,完全無任何痛楚.過左探病時間, 爸爸同婆婆都先走,我自己入返產房準備休息. 經過一輪檢查後,仍然未作動,所以先休息.醫生通知我如果仍然未作動,明天(03/10)上午8:00會安排打催生針,叫我今晚好好休息. 03/10 零晨,今晚好多人入產房,半夜一直聽到其他媽媽大叫.當時仲覺得其他媽媽有點誇張,但由於好攰,所以都訓著左. 到大約4:00am,腰近盤骨位開始酸痛,酸痛仲可以接受,但係訓唔到,係床上面轉黎轉去. 到朝早大約7:00am, 醫生來了. 醫生通知我,會安排8:30am開始打催生針.一開始都無咩特別,大約1個鐘後,覺得下腹開始痛,似M痛,而且腰近盤骨位會有一陣陣剌痛,但仍然可以接受. 大約11:00am,下腹開始劇痛,而且腰痛開始持續痛,我都忍唔住開始大叫.有助產仕學生好好,幫我按摩同比熱毛巾熱敷,但其實用處不大,都係好‧痛. 無幾耐,姑娘比電話我,話可以比我提前通知老公入黎幫我按摩,咁我接左電話之後就打比檸檬茶爸爸. 爸爸同婆婆大約12:00pm到達醫院,首先爸爸入黎探我,由於已經近4個鐘無飲食,而且周身劇痛,已經無太大力氣同爸爸溝通,只係好用力攬住病床旁邊床板大叫,感覺自己已經無咩理智. 後來換婆婆入黎探我,婆婆見我好辛苦,佢握住我隻手自己都嗚咽幫我打氣:(努力d,檸檬茶BB好快會出黎見我地.)又不斷問姑娘我開左幾多度,可以生未,當時感覺媽媽真係太太太偉大啦. 大約下午2:00pm,終於可以入產房了.最記得入產房段路,係我覺得人生走過最長既路.安頓好後,檸檬茶爸爸就入黎陪產. 由於當時已經接近度數全開,所以我一共用力左3-4次,檸檬茶BB 終‧於‧出‧世‧了. ##重點一提: 今次廣華生B, 零止痛、零笑氣.. 我係如何捱過陣痛... 大概係意智! 由打催生針至出世 – 共用6小時 (檸檬茶BB好錫我,我記得自己入院前摸住個肚同BB講,媽媽只係捱到最多6小時陣痛,你要乖乖地,果然!!!!) 用來回地獄又拆返人間 – 形容陣痛至生仔果然貼切不過. 附上檸檬茶BB出世照片 My Sweet girl, Wellcome to the world!!