捱過開刀既驚驚日子，係醫院住左4日3夜。終於出院啦！天真的我滿心期待回家有好日子過，但唔夠幾日，我就差d抑鬱病。 阿仔出世既時候有2.73kg, 出院既時候係2.43kgs 醫生話收水所以輕。出院既時候打去健康院幫阿b約做檢查，健康院好快手就約左第二日有得睇。 返到屋企 好安心咁將阿b交俾奶奶同陪月。BB第一日返屋企，唔肯食奶，佢食既量係0~20ml. 幾恐怖。 但奶奶就話唔好迫佢食，話訓覺都長肉，連陪月都話唔洗迫佢食。 我內心係非常不安，好彩係bb唔食奶粉，但好肯食人奶，所以我餐餐都埋身餵，希望阿b食到野。 好不容易捱到第二朝早去健康院，登記完，磅完重，就等見醫生。醫生話 bb出世有2.73kgs，但依家既體重係跌超過10% 得番2.47kgs。所以一定要改變現有的食奶情況，必須2小時食一次。因為情況嚴重，健康院要我兩日後覆診。聽完即刻爆喊，我內心不斷同自己講，阿B你要生存呀。 返到屋企，我就隔2小時餵1次人奶，每次阿b都會食半小時以上，然後再補奶粉，不過可惜阿b仍然唔肯食奶粉。 連續兩日餵左24餐人奶，終於再去健康院磅重啦！2.50kgs, 重番啦終於!  再等埋見醫生，醫生話都仲係好輕，而且黃胆仲高左好多，聽到哩度我已經忍唔住喊左出黎。醫生話過多兩日要再1黎 朋友介紹左好多方法俾我，我地轉左幾款奶咀，轉左用pigeon同Avent 之後，阿b終於肯食奶啦。1日12餐人奶，每餐之後再補 20~30ml奶粉。 又再返到健康院，磅重。落磅果下好緊張呀！ 2.61kgs 。 醫生話今次重得幾好，如果bb食得好，可以拖番長少少3個鍾餵一次。 好感動呀！