好啦~~~ 生果網，棉線都玩過，我地就齊齊玩下膠紙啦~不過信義妹今次係用皺紋膠紙~~~   皺紋膠紙有咩好玩呢? 大人就梗係無咩好玩同覺得小兒科啦~因為大人閒閒地什麼類型既膠紙都用過十轉八轉有咩新奇，但小朋友就唔同啦~~~玩貼紙就係專家~~膠紙我估大家都少俾佢地玩啦~~ 我地可以介紹一下唔同既膠紙，例如:雙面膠紙，海棉膠紙，牛皮膠紙等等的用法~~~ 當中就皺紋膠紙係藝術上都可以添一份主力~~~   信義妹今次用皺紋膠紙係想幫手分好區域，等小立都可以做一幅美美的圖~~~ 間出來的效果希望可以做到好似教堂靚靚的玻璃一樣~~~~同時亦都分別用兩種顏料來教一下技巧同埋顏色既配搭。   今次就選用水彩和油粉彩。間格就隨意，喜歡點間就點間，無特定的。信義妹第一幅係揀水彩作為近料，顏色選擇就隨小朋友喜愛，唯一條件係唔好油出界~~~~   用水彩，可以講快靚正~~~~~~~好快就可以完成一幅啦~~~~    跟住我地就轉換油粉彩啦~~ 今次難道相對會提高咗~~~ 因為信義妹會要求大家認識色彩既配搭。究竟呢一格想望落去和諧，定係想望落去係有格調呢? 想有黃昏既感覺還是想有星空既感覺呢? 不過搞來搞去都係有一種玩阿媽的感覺~~哈哈哈~~~算啦~ 玩得開心就好啦~~~   油粉彩油完記得拎紙巾去捽下佢呀~~~~~ 信義妹個人覺得咁樣係靚啲架~~~~    而皺紋膠紙幾時撕番出來呢~~~ 信義妹通常都揀水彩乾曬或者捽好曬先會撕既~~~~   好啦~~~今次到呢度啦~~~ 你地近期有無手作心得可以分享下呀? 一齊交流下啦~~~~   信義藍星札記 Facebook Page https://www.facebook.com/IncredibleShunyeemui/ Instagram https://www.instagram.com/IncredibleShunyeemui/