老母多自在（宣洩文） 老實說 小人並無要成為孟母呢種偉大理想 純粹覺得係人地間公司混混噩噩 不如經營自己嘅小豆丁 簡單講即係以為打主家工會舒服過幫人打工 但一打呢份主家工把火真係芭蕉扇都撥唔熄 公司個老細都係屎忽痕先過嚟激下你 你件獨家訂製每分每秒都搞住你 分分鐘都有千奇百趣嘅要求 一日到黑都要你陪佢玩 同不停問你攞嘢食 但你去煮飯佢又唔準 有時真係認真問句： 「唔俾人煮飯，難道我陪住你， 真係有情飲水飽？」 回應： 愛情結晶一啲都唔甜蜜 大佬，你唔食我要食！ 為左製造更多嘅ME TIME！ 我已經計劃好每日嘅時間表 條友一訓左 我就努力做自己想做嘅事 放鬆過去幾個鐘形成嘅怒與忿 同製造多啲安多芬 去迎接之後幾個鐘嘅怒與忿 可惜 嘗試用自己嘅計劃去規劃其他人嘅人生 係唔可行的 你諗住12點食完中午飯 然後等佢佢訓左休息返兩三個鐘 對不起 佢12點就話想訓 1230起身食飯 每日面對另一個人不斷干擾自己嘅計劃 會大量消滅腦血清 我睇過一D資料 小朋友去到好大個都仲未識得控制情緒 所以唔可以下下都氹佢 要俾機會佢學習自己收聲自己控制情緒 佢每日都俾自己好多機會做練習 同時，我都學習緊控制自己情緒 同你個乞人憎老細 真係另一個LEVEL 奈何 佢地只係一張白紙 對於啱、錯、乖、好、壞 基本上同車車、船船、apple、BYEBYE 都係一樣 見過食過體驗過先會明白係咩一回事 但啱、錯、乖、好、壞又點可以實體化呢？ 更唔明白懲罰係咩一會事 有時你打佢話佢 佢仲望住你笑 然後有一日佢就以為 打人同發脾氣 係社交禮儀嘅一種 你就更加有冤無路訴了 唔打得 唔鬧得 仲要温柔過國民女神 努力噤住心入面座火焰山 有時真係驚個「本我」出咗來 但聽過一句名言 「條路自己揀 仆街唔好喊」 與其發脾氣嬲個仔點解咁曳（其實係無得嬲架） 不如反過來操爆EQ打大佬 話俾自己知玩小一陣電話唔緊要啦 玩多一陣無聊重複推車仔唔緊要啦 坐半個鐘巴士唱幾十首兒歌唔緊要啦 食飯食到一地都係唔緊要啦 每一次嬲都同自己講 唔緊要啦！唔緊要啦！唔緊要啦！唔緊要啦！唔緊要啦！ 然後 OH！沉睡嘅暴龍又起身了！ PS：故事純屬個人經歷，如有雷同 相信唔係巧合 全世界????仔都係魔鬼！ I KNOW THAT FEEL BRO   FOLLOW IG: fulltimelomo