除左要整正餐俾晞晞外，一啲小食都係需要的，呢啲小小嘅食物可以係出外扭計時起到好大作用 方便拎出街的藍莓、草莓、香蕉......水果以外，饅頭/pancakes我認為都係唔錯嘅選擇。 之前試過整南瓜饅頭，不過唔算太成功但今次呢個黑芝麻饅頭，新手如我都搞得掂，過程仲好快     材料： 麵粉   150g（我用中筋） 酵母   四分之一 茶匙 暖水   85-90g 黑芝麻粉   兩湯匙     步驟： 1）麵粉過篩、加入酵母同黑芝麻粉 2）逐少加入暖水，搓成麵團 只要暖水即可！水太熱會殺死酵母！ 建議逐少逐少落水，慢慢觀察麵團，搓到不黏手，光滑就可以。 3）待麵團靜止一陣 唔洗太耐，幾分鐘就得 4）用棍將麵團推薄，對摺三下，然後重覆 5）將麵團切成想要的大小/份量 6）碟上先鋪上牛油紙，把麵團放好上去後，放入鑊內com蓋發酵 鑊內放暖水有助發酵得快啲 水同樣不要太熱，會殺死酵母 7）下圖是已發酵一小時 8）中火蒸15-20分鐘      此食譜適合七個月或以上  如果bb已經夠一歲， 可選擇加入少量糖增加甜味  絕無蛋奶成份， 對蛋或奶敏感者都可以食用 黑芝麻補鈣補鐵                   產品試用/活動邀請/其他合作 歡迎聯絡：tanleesharon2004@yahoo.com.hk 謝謝 Fb: [http://www.facebook.com/leessssfamily]