【  親子教室。蜘蛛的家 】 有次同Aidan哥哥去公園玩，見到有隻小蜘蛛，我地一齊觀察左好耐。番到屋企再揾左d蜘蛛和蜘蛛網的圖片俾佢睇，佢對蜘蛛網十分有興趣，我地仲一齊畫左好多個唔同大小的蜘蛛網！ 今次安妮媽媽教Aidan用綿繩編織蜘蛛網， 再用輕黏土創作蜘蛛，等待一晚讓輕黏土乾透後就可以玩蜘蛛的家喇！ 把蜘蛛網掛起，蜘蛛的腳可以勾在綿繩上，就好似真的在蜘蛛網上爬行了。 Aidan仲會帶小蜘蛛去散步，找他的蝴蝶蜜蜂朋友仔，之後仲話要番蜘蛛網度瞓覺呢！ ========================== 創作過程: - 用廣告彩幫紙碟上色 - 沿着紙碟外圍剪一條條，方便穿綿繩 - 用不同顏色的綿繩隨意編織蜘蛛網 - 把兩個紙碟用釘書機拼合，做成兩個蜘蛛網 - 用不同的綠色色紙拼貼樹葉 - 用花形的彩麗皮裝飾蜘蛛網 - 用輕黏土製作蜘蛛，蜘蛛的身體和頭部的中間可以加兩支短牙籤，會令蜘蛛的結構更加穩固。 - 用毛絨條屈曲成L形，用來創作蜘蛛的八隻腳，毛絨條抽入前要先塗白膠漿。 ***輕黐土蜘蛛要乾透才可以玩呀，如果唔係腳會散的。 希望大家喜歡今次的親子創作分享啦。 ========================== 材料: 紙碟，廣告彩，綠色色紙 花形彩麗皮，綿繩 輕黏土，毛絨條，白膠漿，牙簽 ————————————————- 歡迎連絡安妮媽媽： Facebook專頁： 安妮媽媽親子日記 IG: @Annie_mama_diary | 安妮媽媽親子日記