夏日炎炎，一大盒雪糕捧住嚟食，爽到一個點！ 拎出嚟試咗一啖好食到停唔到，未放軟呀仔就不停偷食～哈哈！ 簡單到不得了！ 只需要淡忌廉同煉奶就已經整到基礎奶味雪糕，想要咩味就加唔同食材，加新鮮生果、阿華田好立克粉、曲奇乜都得啊！ 材料： 淡忌廉250ml 煉奶90cc 蘋果芒一個 朱古力粉2匙 阿華田粉2匙 芒果切粒，一半做芒果蓉，因為已經好熟用叉輕易壓成蓉！攪拌機都唔使開啦～ 一半芒果肉備用～準備90cc煉奶備用～ 先將整盒淡忌廉用電動打蛋器用中速打發至有紋路，大約兩至三分鐘 跟住加入煉奶，用低速攪拌 攪勻即可～見到忌廉有勾勾就完成 將忌廉分開兩份，一份加入芒果蓉，一份加入朱古力粉同阿華田粉～用刮刀輕力攪拌！ 加入芒果粒攪勻～ 最後放幾粒做裝飾！ 放入冰箱雪6小時以上～口感勁滑勁Creamy嘅雪糕就完成啦！ 香濃朱古力阿華田雪糕 呀仔最愛！濃郁朱古力味～好食過係街買！ 超級推介芒果雪糕！ 新鮮香濃芒果味，超好食！啖啖果肉！又香又滑～ 呢個份量唔會太甜～味道剛剛好！我同仔仔一食就食咗半盒⋯太好食！哈哈～你地都快啲試吓啦！ ———————————— Follow 埋 IG:https://www.instagram.com/chochomamami/ 60款＋幼兒菜式分享(不定時更新) https://www.facebook.com/chochomamami/posts/1156137214530144 100個＋親子好去處(不定時更新) https://www.facebook.com/1028553953955138/posts/1436213656522497?sfns=mo ———————————— #parentalblogger #hkblogger #好去處 #放電 #室內遊樂場 #親子好去處 #親子遊 #親子餐廳 #食譜 #美食