學校停課咁耐同時香港廸士尼樂園都差不多休園近四個月喇⋯ 雖然廸士尼樂園休園，不過廸士尼樂園酒店如常運作，唔知大家有冇掛住同廸士尼朋友一齊食buffet 呢？  因為限聚令同其他因素，buffet 就無喇，放題啱唔啱先？食過一次你會真心鐘意呢個放題多過自助餐形式！ 一坐低會好細心俾個menu 你，之後就自動波上咗個海鮮冷拼盤俾大人先，仲有為小朋友而設嘅兒童餐。雖然menu 寫要等5-10分鐘預備時間，不過除非漏咗單，我成晚每一轉都係5分鐘左右就上菜，係試過有一轉催咗三次都漏咗我份steak 。 自助餐小朋友應該最關心係⋯甜品！ 放心，佢有drumstick, 水果拼盤,亦都有平時buffet 嘅 mini cake 去廸士尼酒店食buffet為嘅都係想見多米奇幾面。 其實呢⋯呢段時間係無咗廸士尼朋友埋枱影相嘅，因為大家都知要保持適當嘅社交距離嘛！ 不過佢哋就轉咗另一種方式同大家#happytogether 去片： https://youtu.be/0gHzDmdhkNY 米奇當晚好識做見我哋影緊相自己仲識攝位影大頭，所以大家都可以有機會用另一種方式同米奇朋友合照嘅????  由於每晚安排都有機會唔同，所以建議打電話訂位時問下邊個session 先有廸士尼朋友啊！