把海邊的回憶延伸幼兒獨特的藝術~ 去海邊放下電，感受下沙、海、石頭等等大自然嘅禮物。當日海豚妹想執咗幾粒小石頭，但為了愛惜沙灘資源，我哋感受完石頭質感就放返去沙灘講Bye Bye。返到屋企我拎出之前裝飾家中嘅石頭，繼續回顧沙灘點滴，海豚妹再幫小石頭上色創作。(留意在香港執石頭可能犯法，特別是政府規管的泳灘和地質公園，愛護大自然，不要帶走沙石啊。) 我的石頭是幾年前在花園街買的，因為喜歡佈置家具而買下的： 有大有小不同形狀和顏色~   石頭本身係一種有個性嘅材料，每一粒都有獨特嘅外型同質感，創作前先同小朋友傾下計，什麼是石頭？呢粒石頭似乜野？係咩形狀？摸摸唔同石頭嘅觸感。對於大一點嘅小朋友，可以比佢欣賞下唔同人嘅石頭藝術先。海豚妹2歲，仲係探索顏色嘅階段，所以就等佢自由創作，用佢鐘意嘅顏色。 呢粒石頭100% 海豚妹創作，佢用顏色續層添加上色，2-3歲嘅幼兒都仲係處於塗鴉階段。留意不需要用成人嘅觀點來看待佢嘅作品，否則，父母不僅會錯失了解、認識孩子嘅機會，而且仲可能會扼殺孩子的繪畫天賦和想像力。 呢一粒石頭就咁睇只係隨意塗鴉，但放上去明信片度，就覺得好似一幅花海咁~好靚啊！ 喺石頭創作嘅過程，唔但止好玩，仲可以學到： *創作力：創作時容許佢選擇喜歡嘅顏色，鼓勵用佢自己的方式享受創作。 *學習顏色及混色：可以一邊辨認顏色、學習溝顏色的變化，喺旁邊覆述小朋友的行為 (例如：XX你揀左咩色？黃色加左藍色後變左綠色啊！) *小肌肉：除了作畫的力度，更可用到前三指及二指小肌肉打開及關閉顏色蓋。 *手眼協調：對準吱顏料到指定色盤 *自理：學習創作後要收搭及清潔 *大自然：從情景中學習，加深對大自然、沙灘、石頭的理解，從中可以灌輸愛惜大自然的訊息 注意事項： -石頭在創作前可以先清洗晾乾。 -創作前記得先鋪好枱墊和保護衣，方便清潔享受創作   創作完的石頭除咗做裝飾，可以再將佢變成其他用途，例如用來玩故事遊戲、放入透明膠樽仔做樂器、數數，好多唔同嘅玩法，待大家去發挖呢！ 大家也來一起交流一下，留言或私訊我也可！ DolphinB的 Facebook：https://www.facebook.com/dolphin.bluesky/ 關於DolphinB： 喜歡海豚的DolphinB媽媽，幼兒教育一級榮譽畢業，以每人都「值得擁有」夢想的幸福生活態度而前進，喜歡分享生活點滴～曾做過：幼稚園老師、網絡平台編輯及公關，髮型用品代言人、現職全職媽媽及Freelance digital marketer。 DolphinB的email：cloudy_bluesky@yahoo.com.hk instagram：DOLPHINBLUESKY DolphinB Youtube You can also find me in: 【Blogspot】【WeShare】【Ztyle】【BE】 【Baby Kingdom】【MamiBuy】【She.com】 【EsdLife】【presslogic  Mami】 【Girlssss】