最近放假又唔想出街，留喺屋企又可以玩咩好呢?   今日就同大家分享點樣整魔法泡泡球~ 咩係魔法泡泡球呢??   即係小朋友沖涼時，最鍾意用嘅沖涼浴球~ 一放入水，泡泡球就會馬上噴大量泡泡，最後完全溶化後，就會有小驚喜(玩具)~   今次我就同和牛B一齊整，材料仲好簡單~ 大概15分鐘就可以整好魔法泡泡球，小朋友都可以一齊參與其中，整好之後仲超有成功感！   材料: 食用梳打粉150g 粟粉50g  檸檬酸75g  食用色素  杏仁油/ BB油     做法:  1. 將食用梳打粉、粟粉、檸檬酸倒入同一個器皿，拌勻。   2. 分成數個小碗 (由於我會做5隻色，所以分成5小碗)   3. 加入2-3滴食用色素，再拌勻   4. 拌勻後的粉末，再加入適量杏仁油/BB油，拌勻至無粉粒狀。   5. 壓入模具/ 扭蛋球，中間可放入小玩具，製造小驚喜   6. 放入冰格靜待至少15分鐘，脫模就完成了~   放佢入水，就即刻出好多氣泡出嚟，Magic~ 除咗咁Magic嘅時刻，入面仲收埋小驚喜添呀~   -------------------------------------------------- 歡迎聯絡我&和牛B: chungying56@hotmail.com Facebook專頁: 和牛B嘅成長專頁 Instagram: wagyubmami                -------------------------------------------------- 姊妹合作**Precious M accessories** 利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。