以前未生家晞b嘅時候，以為每個bb都係天使bb(我太天真喇)，從來都唔道原來有高需求寶寶呢回事！   如果你嘅小朋友有以下特徵，噤好有可能佢係一個高需求寶寶！未湊過高需b其實真係好難理解湊高需b有幾攰㗎，呢點我非常之同意㗎！ 你會R爆頭，點解可以唔瞓㗎？點解反應噤大㗎？點解佢個雷達偵測噤強㗎？點解我完全行開唔到嘅？點解明明2點先瞓，可以6點幾醒哂？那裏來的電啊?點解明明坐向隔離陪住，但係都要拖住先得？點解一晚可以醒噤多次㗎？簡直係十萬個為什麼????????????   情緒突襲嘅時候，個股無力感直情係完全崩潰，崩潰到一個地步就好容易會有產後抑鬱(下次再講產後抑鬱)! 其實我都花左好一段時間去慢慢理解同接受~理解佢嘅需要，接受佢嘅特質家晞b依家3歲喇，各方面都有進步到，雖然都係要我陪住拖住，都係瞓得少，但媽mi內心係好實在同開心^^   因為，上年幼稚園interview，佢嘅表現我簡直係O左咀!原來平時我講嘅教嘅，佢通通都有入耳㗎，唔係耳邊風㗎!媽mi真係好欣慰呢！完全係估佢唔到！ 剛剛我同佢玩，我扮見到zombie好驚，隻傻豬竟然攬住我話: Don’t worry! I’m here.  果下我簡直覺得佢型到核爆啊! 高需b就係噤，忽然間佢會彈啲驚喜比你！   講噤多廢話，其實都係想講育兒真係無一本天書，每個小朋友都係獨特㗎。旁人嘅不理解唔緊要喎，慢慢參考下唔同嘅方法再揾出可行嘅辦法囉，邊學邊試！我都仲努力學習緊㗎！   共勉之   高需求寶寶特點:  1、反應強烈 2、活動量高 3、餵食頻繁 4、需求不斷 5、經常清醒 6、不易滿足 7、難以預期 8、過度敏感 9、放不下來 10、拒絕摟抱 11、非自我安撫者 12、警覺分離 (參考網址: https://bit.ly/2UBDC3g)