#唔係跟住步驟咁簡單 #分享申請BNO實戰經驗 但係點樣寄去申請最平？係咪就咁跟住網上步驟就可以申請到？當中有咩需要預備？ 之前一直好想share 我嘅申請心路歷程⋯⋯因為我嘅申請係非一般嘅耐 相信大家呢排都不斷睇好多有關申請 #BNO 嘅資料，一般 #懶人包 大家應該都睇唔少 以我自己上年8月尾申請為例，我由申請到真正到手差不多接近半年！ 點解要咁耐？ 首先你係屬於邊種申請？ 有舊BNO 響手 以前有申請過，不過已遺失/無任何舊BNO 資料響手 屬於1 嘅，恭喜你！你所需手續易好多！ 1. 只需網上填form 同upload相 https://www.gov.uk/overseas-passports 2. 網上俾埋錢，連埋副署文件同埋以下文件寄去英國： ✔️英國國民(海外)護照正本 ✔️香港永久性居民身份證的雙面彩色影印件 ✔️任何尚未過期的其他國家的護照的全彩影印件(包括空白頁在內 的每一頁) *即係封面同底都要影呀* ✔️一份在過去12個月裡辦理且顯示您的姓名及地址和/或居住地的地址證明：例如 • 由僱主發出嘅信件 • 醫療卡 • 政府部門寄俾您嘅信件 • 選民卡 • 簽證 （彩色影印） 3. 快遞去英國 強烈建議用有tracking 嘅快遞，寄去英國可以用spaceship 格價，佢有discount code 同埋可以直接預約快遞上門收件 現家 FedEx 仲有優惠到30/06/2020 寄得拎左優惠碼先俾錢 https://spaceship.hk/ 屬於2嘅唔好灰心，我得，你都得！ 我嘅申請時序表 * 21/8/2019 網上填好LS01 報失表 * 21/8/2019新申請：網上填表、upload 相、俾錢 *4/9/2019經HKPOST 掛號空郵寄出 *11/9/2019 HM PASSPORT OFFICE 確認收件 *5/11/2019 sent 咗follow up email 俾我 ->信內指出我online 張form 有資料無填哂，所以佢要求我要重新填寫paper form 遞交申請!即係要交實體相、相片要副署加簽、同埋重新再填多次副署人表格! 其實張online form 填唔齊係過唔到，所以我一直唔明點解要我交paper form *27/11/2019 再經HKPOST 空郵掛號寄出 *3/12/2019 再sent follow up email 提我要17/12前交到俾佢繼續跟進，如果取消申請要書面通知，申請費無得退返 *16/12/2019 ➡️ 要我提供父母出世紙、結婚證書正本，仲同我講埋Merry Christmas ...仲用一個有名嘅email 覆我，突然間friend 咗 *搞咗咁耐又臨近聖誕，我決定豪一筆18/12 用Fedex 寄出，20/12 就簽收咗,希望佢未放假幫我整埋先 *30/12/2019 見到我個status 轉咗去paper form, 之後我就無得再響online check status咯...因為paper form 會係另一組reference number , 只可以靠email 查詢status 一心諗住可以拎本新護照去跨年旅行，結果去完旅行 6/1/2020 又收到email⋯ !!HM Passport Office 話查唔到我個副署人嘅資料! 要求我遞交副署人嘅BNO passport copy ,不過今次email copy就OK. 響09/01/2020 我本BNO 終於正式簽發!!! 經驗之談.... *首先報失未？ 續領前需填寫 LS01 呢張form 報失先， 之後先再做新申請。 註：我係21/8/2019做補失，24/08/2019收到follow up email. 不過現家因為疫情，有人報失咗好似個幾月都無收到update. 所以申請新護照時記得寄埋LS01呢張報失form 俾佢哋知你已經報失咗。 因為你唔能夠提交舊BNO 正本，好自然HM Passport Office會問你拎更多資料去核實身份。 你要預備： 1. 申請人出世紙 2. 父母出世紙 3. 父母結婚證書 4. 父母BNO 聽到呢堆野係咪好驚.... 係！佢真係會因應個別申請同埋響唔同階段問你呢堆文件嘅正本！無錯，係正本！ 但又未必會一開始問你拎哂喎~ *如果父母其中一方唔係香港出世點算？ 以我為例， 媽媽當年無拎香港出世紙，我就同HM PASSPORT OFFICE 解釋只能夠提供宣誓紙同埋香港居民證嘅正本做文件 *如果都無呢啲文件點算？ 可以先到入境事務處申請翻查出生記錄再申請補領 詳情???? 申 請 翻 查 出 生 登 記 紀 錄 及 領 取 出 生 登 記 記 項 的 核 證 副 本 | 入 境 事 務 處 * 點寄去英國最抵 強烈建議用有tracking 嘅快遞，寄去英國可以用spaceship 格價，佢有discount code 同埋可以直接預約快遞上門收件 現家 FedEx 仲有優惠到30/06/2020 寄得拎左優惠碼先俾錢 https://spaceship.hk/ 希望幫到你 :) #mimimomoma #親子好去處 #實用文 #HKmami #香港媽媽 #hkparents #happyshare #passport #BNOpassport #續領BNO #申請BNO #BNO護照 #親子
