上個週末，我同坡士b妹趁住留喺屋企悶到爆嘅時候，一齊整曲奇餅。其實個曲奇餅原意係送俾爸b當父親節禮物，但暗暗地我同坡士 b妹已經諗住中飽私囊。結果焗完當日，全家已經食咗4塊=P（我地只係整得15塊XD）。 一個三歲小朋友嘅手仔其實都唔係好有耐力，佢做到壓模時既一半已經出晒汗，冇力再繼續整落去，就由媽媽接手整埋7塊。焗完之後，媽媽整埋啲icing。我認我懶，連唧花唧都懶用。就咁用啲小刀小匙喺度整造型。 點知坡士b妹就對我整嘅造型好不滿，不停咁話：「樣衰=3=」（好學唔學都唔知邊度學返嚟）。本身以為咁樣衰佢唔會肯食啦，到最後，佢淨係屎話要食嗰啲造型曲奇，plain嗰啲都唔要⋯⋯ 超簡易食譜 （講得簡易嘅就唔建議大家做icing，尤其是係新手同廚藝小白） 材料： 1. 200g 曲奇粉（各大超市有售） 2. 100g 冇鹽牛油 3. 2g salt（如用咗有鹽牛油就請省略） 準備： 1. 牛油紙 2. 曲奇模具（無既就直接用刀黎做造型） 3. 大碗 4. Airfryer 或焗爐 5. 蒸架咁既架料 做法： 1. 將牛油切制細，放入去一隻大碗到 2. 將曲奇粉加入碗內，用手將牛油同埋粉搓埋一齊 3. 要將2樣野搓到有少少似麵包糠嘅質地，就將佢搓成一個大波 4. 喺枱上鋪塊牛油紙，用手將少少料搣出嚟，再用掌心壓平佢（壓到個厚度大約係5mm） 5. 用自己嘅模具壓落去做造型，再放上另一塊牛油紙度待焗。可以喺曲奇上邊直接畫啲花紋眼呀嗰啲上去做裝飾（我就做咗啲好肉酸嘅icing，俾我下次做嘅就會直接或花紋上去方便又靚得多） 6. 重複步驟4,5，直至用完啲料為止 7. 之後就要焗佢 用Airfryer嘅就要preheat 180度5分鐘，再將曲奇餅直接放落去煎盤到（我唔係用炸盤嗰啲嘅），最後就用160度13分鐘焗完； 用焗爐嘅就preheat左個焗爐之後，用185到10至15分鐘焗完。 8. 焗完之後要喺嗰啲架上（蒸餸架嗰d），將佢放涼，佢就會硬同脆㗎啦 以上材料可做到約24塊大既。 製成品可以喺密封盒度存放兩星期嘅。 祝天下爸爸父親節快樂！Enjoy and happy bonding time ！ ---------------------------------------------------- Facebook: SINGAPORE.BABYDIARY INSTAGRAM: SINGAPORE.BABYDIARY