其實我成日以為自己皮膚無咩問題，所以我好少搞佢，但近呢排開始俾人話我眼周圍好多斑同粒粒，可能係我生完貝貝之後，體內激素改變而形成。上次我去做facial嘅時候，美容師仔細睇完之後，先知啲細細粒嘅野係疣。吓！乜原來我有疣？ 我一直以為臉上嘅粒粒係酒米或者皮膚敏感，仲諗住佢自己會退，有時仲想R爛佢！點知，美容師confirm佢係疣黎嘅！我啲疣比較細粒，普通人真係好容易誤以為佢係酒米，然後自己R爛佢，最後惹開晒，越發越多。如果唔係佢解釋我聽，我真係唔識分！疣本身對身體無害嘅，只會影響美觀，但佢帶有傳染性同埋有機會擴散身體其他地方，越黎越多，有啲人有機會仲會發到一撻二撻大嘅疣。所以如果唔趁佢細粒時處理佢，我驚會發到好大又驚惹到貝貝（佢細細個條頸已經生過疣，發晒炎）。而且脫咗疣之後，皮膚會更加滑，搽護膚品易吸收啲，上粉又會順滑啲，所以我就決定整走埋佢！ 同埋呢間美容院最好係明碼實價，只要去佢地嘅FB/IG，佢地已經列明晒所有plan你揀，無任何隱藏收費，當時亦都無刻意hard sell我做啊！d人真心好！   脫疣過程亦非常簡單，佢地採用Co2 Laser ，唔需要打麻藥，會喺每粒疣嘅位置大概電6-10下，會感覺到有少少電流，我覺得驚嘅感覺大過痛，越近眼睛嘅皮膚會感覺大啲，有少少痛，但美容師手勢好快好定，中途都會問你o唔ok先再繼續，好快就搞掂晒我臉同頸！（係呀原來我條頸都有，仲要唔少） 脫疣過程可以去呢度睇返：https://www.facebook.com/permalink.php?story_fbid=727266228034052&id=155831361844211 脫完疣之後，打過嘅疣會即時變焦，好似一粒粒癦咁，但我真心建議大家可以藉住呢個疫情做，因為出街或返工都可以戴口罩遮住自己塊花臉，我大約用咗6日就好返晒！甩晒啲焦之後，無晒粒粒，完全無疤痕，真心無後悔做，而且價錢又唔貴。 貝貝仲搞笑，day1見到我塊臉好多一粒粒，即刻好緊張撲埋黎呵我：「媽咪，咁多粒粒嘅？好痛？呼呼！」去到day6，我問佢：「媽媽係咪無晒粒粒啦？」貝仲記得：「係喎，無粒粒啦，媽咪好靚呀！（仲要拎隻手摸我）」   Treatment by: EM Beauty Centre Address: (更新）長沙灣廣場二期五樓510室(荔枝角站A出口)  ☎: 21554232／54452651   —————————————— FB: 貝貝Alice-小寶貝夢遊日記 IG:bowl_lam