話說早排可樂妹班媽媽谷有人問瑪姬護膚心得，好奇點解全職凑住兩個小朋友之餘又要寫blog，皮膚保養得又幾好。反而又呻話自己冇時間打理皮膚。 的確，平時要凑小朋友，連去廁所都要爭分奪秒，更莫講話平時想抽15-20分鐘敷下個mask... 於是乎瑪姬就介紹呢個日本saborino 60秒懶人面膜俾佢地，各個用完之後都話好。   首先，俾日本@cosme美容大賞推介得既都唔會差，因為佢響美容界好有公信力，根據佢個指南參考買護膚化妝品可「免中伏」。而saborino面膜曾獲得cosme大賞2017年No.1！ saborino面膜大致分為早上（早安）&夜用（晚安）兩種，可根據自己皮膚性質去選擇適合自己的。而無論早安/晚安面膜都係60秒就搞掂。當然，如果乾性皮膚或想再滋潤d可再敷耐少少。    (圖片來自官網) 早安面膜：化妝水+乳液+精華液+面霜+面膜多功能於一身，結合洗面+基礎皮膚保養+緊緻毛孔，聲稱敷完可直接上妝 已推出多種版本，例如好多人熟悉既黃色保濕款(果調草本香)、綠色清爽(薄荷西柚)、 白色亮白 (奇異果乳酪)、桃紅色高保濕(綜合莓果香)，仲有限定的金色青橘、白士多啤梨。 而早安面膜敷完會覺得有d涼浸浸好有醒膚感覺。另外因為佢有洗面功能，所以一起身後面上的油光都可以去除到。當然，如果屬於油性皮膚的，亦可以先洗完面再敷。 瑪姬已用左3盒黃色保濕款，每盒裡有32塊，持續每日用一張，基本上差唔多一個月就用完。 晚安面膜：亦係集多功能於一身，一塊面膜一步完成，姐係晚上卸完妝，沖完涼後就咁敷60秒就訓得，其他保養品都唔洗。 晚安面膜就無早安面膜咁多款，得藍色基本款(洋甘菊橙花香)及新款紫色濃厚保濕(無花果藍莓)兩種。 瑪姬買開既係藍色款，有淡淡清香洋甘菊橙花味，有放鬆幫助睡眠作用。如果皮膚屬於乾燥，則可以考慮紫色款。 而晚安面膜每盒則只有28塊。   開口係用拉環式設計，而唔係貼紙封口，確保面膜水分響未開封情況下都能保持唔會流失。 而面膜紙質比較厚且有彈性，所以可以承受輕力的左右拉扯以調節貼緊面部。       (圖片來自官網) 產品資料: https://www.bcl-brand.jp/special/saborino/morning-facemask/ (日本官網) 銷售點：萬寧、屈臣氏、log-on、HKTVmall   歡迎邀稿產品試用出席活動 Email: makikokaka21@gmail.com FB: 瑪姬的小天地  (https://www.facebook.com/makikokaka/ ） IG: https://instagram.com/makiko.tong.21  Blogs:   theZtyle │She.com │ Qooza │ BE │  媽媽幫 │ Facebook │Instagram