去農莊參觀可以親親大自然，又可以睇下動物，今次我哋就去非常近天水圍頌富嘅 #綠田園 玩，無需入場費（逐一項目收費）；我哋由天水圍西鐵站坐的士入去唔洗$40（大家可以參考呢個交通方式）   重點推介一定係 #水上單車餵魚 ， 係湖上被一大群魚圍繞住，大人開心小朋友興奮，呢個體驗真係好難得 而且單車好易控制，夏天踩都唔會好辛苦，遊湖睇風景幾舒服 收費：$90/20分鐘（可坐4人），魚糧每包$15   之後嬸嬸推薦去玩 #滑草 ，諾諾好開心咁跟住行 上到去豬仔諾發現原來好高，所以話唔玩，重喊咗出嚟（附媽咪無奈圖） 收費$30/每人 （建議身高110cm） *後解諾諾話佢以為嬸嬸係推薦畫草XD係草上畫畫*   農莊有幾隻 #山羊 自由放養，諾諾都去一一探望過，用樹葉餵山羊 收費：全免，隨地執葉去餵就好   最後我哋再玩埋 #手動艇 ，因為諾諾重細，驚佢控制得唔好，所以豆媽陪玩 竟然係水池內見到我哋搵咗好耐嘅蝌蚪, 大叔勁好人送咗幾隻比諾諾返去養～真係有錢都買唔到  收費：$30/10分鐘 （大人陪同＋$10） 呢度重有燒烤設施，如果同朋友一齊嚟，可以訂埋燒烤包係度玩足一個下午啊 鍾意我嘅分享，記得比個like支持下我哋, 謝謝 Facebook 毛孩與諾諾 https://www.facebook.com/beanmanoknok/