啱啱先發現京阪之旅未寫完XD 嚟~ 我地繼續望住個mon去旅行~!    當我好爽皮地响Akachan shopping時, 爺爺嫲嫲米豬同爸爸原來去咗比卡cafe呀~~  join返一齊之後, 立即向黑門市場進發~! 醫肚緊要~!!! 我要掃街呀~!! 同老爺一人對咗隻巨生蠔先~!! yeah~  其實食生蠔其間, 係等緊隔離舖煎好我串和牛XDD 超好味呀~!!!! 奶奶見我地食到係咁嗌正, 連米豬都要搶住食, 就去買多2串喇~~  之後老爺奶奶唔好慣掃街, 老公就帶咗佢地去食烏冬, 我繼續毒食~ XD 又食咗個三色迷你丼~ 件大拖羅好正呀~!!! 再啪咗隻成座山咁高ge即開海膽~ 好滿足~~~  食飽之後就極速返酒店drop底akachan戰利品, 再向奈良出發~ 我地今次係搭近鉄ge 終於搭到鐵鐵, 開心到要yeah~~~  冇記錯大約8個字就到奈良了~ 但嚟到奈良之後天氣好麻麻.... (而天才的我今日係冇拎到個雨冚出嚟............ 仲放底埋把大家遮...........) 離開奈良近鉄, 我地就向春日大社進發, 0個陣已經3點幾, D鹿鹿已經餵到飽飽, 冇咁主動過嚟搵食, 見有D想落雨, 我地都快手比米豬响一個比較多鹿ge公園落地親親小鹿先   初時都以為佢會驚, 話晒係咁大個仔以嚟第一隻體型大過佢同埋可以互動ge動物, 初時佢都係觀察吓, 望多2望, 就問可唔可以摸摸小鹿, 我地都好識做, 即刻派咗糧比小鹿先, 同埋同米豬講, 要好似摸三筒咁溫柔, 講野要細細聲ga wo~~ 果然好溫柔, 同埋佢同小鹿講"小鹿~ 你可唔可以話比聖誕老人知, 我想要firetruck做聖誕禮物呀?" (真實對白) 我地4個大人笑到噴咗XDDDDDDDD 奈良d小鹿唔係聖誕老人0個D嚟ga傻瓜XDDD   之後再行咗10分鐘度, 開始落雨, 仲要大0個隻................ 好在奶奶好醒, 袋咗件雨褸出嚟, 我地用件雨褸冚住米車身, 大人就買咗2把透明遮 但係落雨都阻唔到我地親親小鹿~~ 一見到小鹿就推開個篷, 問嫲嫲拎餅餵小鹿~~ 仲比我地遇到公鹿BB~~ 好可愛呀~~~ 雖然大雨, 但老練貢遠嚟到, 我地都照上春日大社~ 照寫繪馬ga~~ 繪馬繼續為香港祈福, 同埋為理大手足祈福 (0個陣一有空檔就睇香港新聞, 根本un抽離able....) 行完之後就搭返巴士去奈良近鐵站, 响便利店輕輕補給一吓, 去吓洗手間, 米對咗枝奶就訓咗嚕~   大家都知日本未必成日有lift啦~ 當米豬訓咗之後, 就出現呢一幕咁有愛gee畫面~ 爺爺同爸爸合力抬懶訓米落月台 返到難波之後, 就上房休息一陣, 就過咗道頓崛食飯喇~~~ 本身想食磯丸水產, 點知間間都要等個幾鐘...... 結果我地去咗食牛角放題~~ 响激安之殿堂對面橋咋~~  响頂樓坐, 個view唔錯, 但因為日本唔係全部飲食場所禁煙ge關係, 食咗半個鐘隔離嚟咗枱煙民日本人, 再過多幾個字又嚟咗枱煙民香港人.......... 食落覺得選擇好似仲小過香港咁, 拿拿臨叫多2碗牛角飯質飽個肚就閃, 費事吸埋晒D二手煙   食完落到樓下又落雨, 今次我叻喇, 拎返把大家遮出嚟, 一野遮晒全家~ 威呀哩~~ 米豬見到對面舖有得夾公仔, 就扯我地行過去, 0個陣都差唔多10點, 又睇一陣啦~~ 可惜都冇啱心水ge公仔, 有隻戴綠色聖誕帽ge pikachu佢又話唔鐘意, 慳返~   返酒店極速同米豬沖涼暗訓覺之後就努力執行李, 因為聽日keep行李响酒店之後就check out去海遊館, 跟住返嚟拎行李就去京都喇~   米豬大阪京都之旅 飛媽媽 - 又執行李去旅行 - 咁凍點著好? 飛媽媽 - 租BB車去旅行? 飛媽媽 - 大阪here we go~! 飛媽媽 - 拋夫棄子shop爆Akachan 飛媽媽 - 奈良小鹿初接觸   loading..... 飛媽媽 - 終於去到海遊館 飛媽媽 - 京都 - 夜楓  飛媽媽 - 錦市場+嵐山小火車 飛媽媽 - 京都鐵道博物館   米豬豬的page~ 每日都update~  歡迎各位like & follow~ 亦都歡迎大家聯絡我同米豬豬一齊試用產品或合作~ https://www.facebook.com/NereusYu/