BB襪仔、孩子上學手巾仔、底褲仔，全部細細件唔知點放好？ 想同媽媽們介紹個好好用嘅收納用品 — "分隔收納盒" (我叫 "蛋格")。 話說準備迎接細佬嘅時候，我哋想像到小朋友d衫仔同襪仔都起碼會多一倍，但喺已經冇咁多櫃筒可以放嘢，蜜柑爸就搜羅咗唔少收納神器，其中一樣我覺得最有用嘅就喺呢樣。   櫃筒蛋格 哥哥出街襪加埋返學d白襪已經有好多，再加埋細佬嗰d就好亂，呢個蛋格可以放到好多襪，一個小櫃筒就可以放晒佢哋幾十對襪 (左面放哥哥襪，右邊放細佬襪仔)。 慳咗好多位，而且整整齊齊，一目了然。 因為d襪仔細細隻好易唔見，我哋每對都用咗反轉卷埋嘅摺法，一對對排列得好整齊，好快就搵到。   個蛋格本身係一格格，按返櫃筒大小砌出嚟就得。   我哋用咗電視櫃下面嘅小櫃筒放兩兄弟嘅襪仔，高度啱啱好。   仲有一格喺放哥哥d底褲仔/ 戒片褲同手巾仔。   整理用品嘅收納神器又點止咁少，下次再同大家分享更多家居好物。