悠悠之前一歲生日，訂咗個靚靚蛋糕俾佢......影相 但佢未食得，所以我當日就自製咗個生日蛋糕俾佢喇！蛋糕超低糖又無添加，只要BB試過對蛋白、蛋黃都冇敏感就食得喇，一於整俾BB試吓啦 材料： 低筋麵粉　60克 雞蛋　2隻 奶　60克 植物油　10克 糖　5克   裝飾： 士多啤梨　5粒 希臘乳酪　1盒   做法： 1. 士多啤梨洗乾淨，切半備用 2. 蛋白與蛋黃分離 3. 先以低速打發蛋白至起泡，加糖再以中至高速把蛋白打發至企身、起勾 4. 用叉打發蛋黃，先加入奶，後加入植物油拌勻 5. 以180度預熱焗爐10分鐘 6. 把麵粉篩入蛋黃糊，拌勻 7. 把蛋白霜分兩次拌入蛋黃糊，輕手以切拌方式拌勻 8. 把麵糊倒入模，以180度焗25-30分鐘，插入牙籤，沒有麵糊黐住就代表已焗熟 9. 蛋糕倒扣及脫模 10. 把希臘乳酪塗上蛋糕面和放上士多啤梨作裝飾就完成　 溫馨提示： 希臘乳酪比較竭（音傑），易啲塗上蛋糕 唔用士多啤梨用其他水果都可以，但俾一歲以下BB，要避免用硬水果     Please like & follow us： Facebook：https://www.facebook.com/weplaynlearn/ Instagram：https://www.instagram.com/kly.chu/