[小熊與薯片兔的生活日常] 疫情下的100日 疫情持續，百日宴冇望... 作為儀式感媽媽，當然有少少準備，為薯片兔妹妹慶祝100日.. 我幫妹妹影左幾張100日主題相，安排左上門採髮做胎毛筆，同埋一個小小的100日派對。 本身打算搵studio上門影，但疫情下，爸爸返唔到香港同妹妹慶祝100日，我唔想影相時，家庭合照冇左爸爸入鏡。所以我準備左啲小道具，親自操刀幫妹妹影100日主題相 (小道具喺淘寶就可以搵到)...  影完相後，當然要少少調較光暗同顏色，我用左 “Polar” 程式去調較顏色，執返啲光暗效果。雖然唔及 studio咁靚，但都有朋友見到相後以為我帶左妹妹出去影相... 喺100日當日的下午，提前預約了做胎毛筆嘅張師傅上門採髮。採髮過程係一個小小嘅皇室理髮儀式。一邊理髮，師傅會從旁講解。採髮後，就會揀筆款，然後過幾天就會收到師傳為bb提對聯。(等大概兩個月左右，就會收到胎毛筆)  除左採髮，之後都有啲售後服務同儀式：  1. 100-101日抓 2. 周歲抓 3. 二歲抓 4. 三歲定八十抓 到左夜晚，等齊爺爺嫲嫲，公公婆婆，就開餐.. 疫情下唔想帶妹妹去多人方，所以我自己準備左100日派對佈置，同埋叫左外賣，喺屋企大家一齊食飯同影下相。雖然簡單人少少咁慶祝100日，但今次幫襯嘅蛋糕，cupcake同曲奇餅店都好用心，配合返我屋企仲有個2歲小朋友(唔會太甜)，又整得好靚同細緻，滿足我呢位儀式感媽媽嘅影相慾。 100日當天準備： - 預備左氣球，生日佈置，自己落手佈置屋企 - 預訂左最近大熱嘅氣球花盒 - 搵小店預訂左 cupcake，生日蛋糕，曲奇餅  - 由於人數唔多，只係叫左四大長老一齊食飯，所以食物方面，我叫左屋企附近嘅餐廳外賣 (鹵味，酸菜魚，KFC，壽司) 產品： 1. Little Jane Balloon Florist https://www.facebook.com/littlejaneballoonflorist/ 2. Sweet Factory https://www.facebook.com/sweetfty/ 3. 天天曲奇 Ashley Bakery HK https://www.facebook.com/ashleybakeryhk/ 4. Serendipity.cakehtm https://instagram.com/serendipity.cakehtm?igshid=5vahssg5w46b 5. 歲雄張師傅胎毛筆 (香港) https://www.facebook.com/hkmastercheung/ #100日 #胎毛筆 #香港小店 #小熊與薯片兔的生活日常  #小熊與薯片兔媽媽 #香港媽媽 #香港blogger #澳門媽媽 #澳門blogger =============================== Facebook： https://www.facebook.com/jaynjocemami/ 生活易靚太 club： https://wow.esdlife.com/bi_be 香港媽咪幫 mamibuy：小熊與薯片兔媽媽 https://mamibuy.com.hk/home/19407