轉眼間，妹妹已經四個幾月大。 你問我，湊兩個小朋友攰唔攰?   我話唔攰就一定係假嘅，但如果以第一胎同第二胎比較。 我覺得第二胎，真心比第一胎輕易好多。     可能有經驗，二來和牛B好似個小助手同神隊友一樣咁。 所以，我輕鬆好多，換條片都會有人遞濕巾/濕棉或、尿片、甚至係幫我舖好換片墊。   有時，如果我煮梗飯唔得閒安撫扭計嘅妹妹，和牛B仲會好主動幫我安撫妹妹。     而妹妹嘅發展進度，亦超乎和牛B。 和牛B當年5個月都還未識反身，妹妹四個月左右就能夠輕易反身!!      以前和牛B第一胎關係，一喊就特別緊張! 通常都係即刻抱起佢安撫，但要照顧2個小朋友的話，已經無可能馬上去。亦因為咁，妹妹都養成自我安撫習慣。   啜啜手指，安撫自己…有時仲會瞓埋。     家姐嘅眼裡面，從來都唔會離開過妹妹。 所以作為媽媽，我真係好幸福，好開心! 因為有一個懂事、體貼嘅女兒。     而妹妹呢? 絕對係，有個家姐的妹妹像個寶啦~     --------------------------------------------------   歡迎聯絡我&和牛B: chungying56@hotmail.com Facebook專頁: 和牛B嘅成長專頁 Instagram: wagyubmami                -------------------------------------------------- 姊妹合作**Precious M accessories** 利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。