bb到左六個月大， 家長們都會開始陸續幫佢哋加固： 引進固體食物！以往好多家長多數都係行傳統餵食（簡稱TW）， 但我就選擇咗為我家小孩進行blw加固方式。     什麼是blw？ 英文全名：baby led weaning  中文稱為：嬰兒主導進食/ 嬰兒主導斷奶 顧名思義，即是由嬰兒自己進食， 等佢哋透過自己進食嘅過程從而感受嗰款食物嘅質地，學習如何手眼協調， 運用一下小肌肉， 除咗觸覺上同味蕾上的感受， 從中亦可以令佢哋學習一下自己照顧自己食飯=自理的其中一環     如何開始blw？ 其實最先開始應該係由家長開始先！家長們應該先做定哂資料搜集，了解清楚呢個到底係咩一回事，了解清楚其理念同自己想行嘅個套是否相同，要明白當中的好處和弊處， 同埋一樣最重要嘅： 學習嬰幼兒哽塞急救（不論TW還是blw 都需要認識及學習， 因為即使TW嘅bb， 去到八個月都會開始畀finger food佢哋食） 除咗加入不同群組之外， 我自己亦去書局買咗本blw書籍返嚟睇， 實行要做足功課（ 讀書時期都未有咁認真）     何時可以開始blw？ 1） 六個月或以上： 六個月前bb嘅消化系統同腸胃未成熟， 並不建議咁快進行blw 2） 可以青蛙坐姿式坐到十秒或以上： 如果未坐得到唔好心急開始， 否則會增加哽塞風險 3）有意識及想伸手拎 4）家長們已有足夠準備（呢樣都好重要架!） 5）準備好一張好坐又易清潔嘅椅子（宜家××同成長椅係一個好選擇）     以上都已經清楚了解哂同準備好哂，bb坐得好亦ready ，恭喜您，可以真正開始啦     下篇再談及 blw食物 和 我家小孩的blw情形~ Happy BLW                      產品試用/活動邀請/其他合作 歡迎聯絡：tanleesharon2004@yahoo.com.hk 謝謝 Fb: [http://www.facebook.com/leessssfamily]