早輪疫情有放緩趨勢， 我哋一家都去左迪士尼走番轉，不過晞晞就未有份去住     眾所周知， 加入樂園要預先喺網上預約登記 入園日期， 一般大一般大眾市民可以預約七天內， 奇妙處處通會員就可以預約八天內， 預約步驟都好簡單： 上網 登記返 奇妙處處通會員number或者入場券number就得 三歲以下就唔需要預約! 亦因為做咗人流管制措施， 所以入到去係好少人，行得好舒服， 玩games亦唔需要點排隊     香港迪士尼樂園亦做緊不同港人優惠： 二人價錢就可以三人行、一張一日門票連餐飲卷package .......等等???? 除此之外， 只要申請埋MyDisney ， 仲可以享有其他優惠     而家一到迪士尼站 出閘後， 已經係一個體溫檢測站， 要過咗呢個體溫檢測站先可以進入行入 園區個條路。 喺噴水池旁邊 就係檢查隨身物品嘅地方， 呢度已經規劃好一條條白線係地下， 確保賓客與賓客之間有距離， 過埋呢個位， 再出示埋門票或者e-ticket就成功入園啦     當日我地一點幾入到去，見到城堡初型啦，確實比之前靚得多 老公話第一時間要去坐小小世界隻船，ok no problem  入到去見到真係不得了，完全唔洗等 我哋包船， 而且見到佢哋嘅安排係隔一艘船就唔會坐人。 咖啡杯都係around等咗十分鐘左右， 軒軒好鍾意玩呢個game Winnie the pooh係比較多人玩， 但其實都係等15分鐘已經有得坐     一個半小時都唔洗就已經玩咗三個games用張餐飲卷去 皇室宴會廳 食late lunch ， 可以order $130 嘅主餐， 超過呢個價錢補番差價就可以，仲包一杯汽水。 老公要左個焗豬扒飯配汽水 我同軒軒share米奇造型焗蔬菜餅配橙汁 兩份都好好味     食飽左涼完冷氣去玩過，此時三點幾，旋轉木馬都係稍為多人玩，我同軒軒一齊騎一隻 係排隊時，見到對面小飛像有高飛同佢個朋友係度同大家一齊玩真心佩服佢兩位，大熱天時都敬業樂業 我地騎完馬見到小飛像無人排就一支箭過去，曬到媽媽聲???????????? 頂唔順決定去睇米奇幻想曲，抖下嘆下冷氣~ 軒軒睇到差不多完場訓左覺     時間係四點，咁我同老公決定去大街餐廳坐底飲杯野休息下之餘，又可以俾軒軒舒舒服服咁訓陣 留意留意：申請左MyDisney的話，下午茶套餐有85折???? 不過我同老公實在食唔落咁多，所以只係叫杯飲品同雪糕，但杯朱古力飲品超甜，我地唔太頂得順       我地食完岩岩好軒軒都訓醒， 去玩多一個遊戲： 蟻俠與黃蜂女， 呢個係等於以前巴斯光年射槍遊戲， 超好玩呀 明明一開始我領先， 最後唔知點解老公可以拎到咁高分 呢個game算係等得最耐， 可能都等咗有三十分鐘先坐上去玩， 幸好室內排隊都有冷氣 總結：喺四小時半入面， 總共玩咗七個遊戲+食埋個lunch     臨走前去戶外小食亭，用餐飲卷換埋支雪條先唔換雪條換爆谷都得架 最最最後，去廣場時尚店換埋MyDisney嘅吊牌     依家疫情又嚴重番大家等遲啲先去玩啦。                   產品試用/活動邀請/其他合作 歡迎聯絡：tanleesharon2004@yahoo.com.hk 謝謝 Fb: [http://www.facebook.com/leessssfamily]