bb剛滿一歲，我就全職媽媽剛滿一年 冇人bb一出世就識湊bb同照顧佢 所有處理事情既方法都係靠自己經驗累積番黎 當然如果身邊有長輩教或者幫手成件事就舒服好多 但身邊總會有一個"三姑六婆"，總係凡事多事多意見 就好似我咁 bb未出世，以為所有事情都諗好安排好 但偏偏bb37週都仲未轉身，然後即時入院，38週安排開刀 我個一位"三姑六婆"就不停同我講傷身呀，元氣大傷呀，bababa 恕我冇禮貌，當下自己自動靜音，只聽醫生專業意見 好好彩既我，人奶上得好好，第三日已經好足夠有餘 到出院後第二個星期左右，由於我開刀係溶線，所以唔駛洗傷口 但偏偏因為溶線，同身體唔知咩衝突定敏感，所以發炎要入院再重新縫過 然後留院幾日冇揼奶，變石頭胸，出院之後斷埋奶 呢個時候我個一位"三姑六婆"又出現，不停話人奶有幾好， 最討厭講左一句說話----你唔餵人奶唔配做佢阿媽 當下真係火山爆發 當然仲有好多事情未能盡錄 但我想同好多新手媽媽講，其實唔駛太在意其他人講咩 因為每個媽媽一定係最愛自己bb，自己一定會比最好bb 而我都想多口一句 其實我都明白大家都想幫新手媽媽，想分享經驗 但唔好強逼媽媽跟你用同一方法，因為每個bb性格唔同 希望大家都比多d空間媽媽   寶寶ig: jaydenli.0307 寶寶facebook page: jayden li 歡迎大家傾合作。交流分享