自從BB出世後, 好唔開心.  一出院, 姑娘俾個仔我抱, 我抱得幾分鐘, 99 就話俾我抱俾我抱. 出左院唔夠一星期, 6299 就追問我訂既薑醋幾時送, 又話要通知親戚 開頭99係屋企住果幾日, 我要每2個鐘餵1次奶, 每次餵1個鍾. 1日餵12次, 99 次次都係我身邊話我冇奶水, 佢見到BB既便便係綠色, 又話我兩混D奶攪到BB咁(其實果D係胎糞黎架). 佢係我屋企, 成日抱住我個仔, 有時我想抱下, 我問佢可唔可以俾我抱下, 佢都唔理我 阿B有黃膽, 掛住訓唔食奶, 健康院姑娘叫我迫阿B食, 99 就話我太緊張, 阿B 餓就會食. 結果阿B體重跌到得番5磅1. 姑娘話再係咁就要入醫院.  返到屋企迫佢食奶, 我自己一路餵一路喊, 點解會攪到個仔瘦到好似 飢民咁. 我個時諗點解我咁辛苦生你出黎, 但攪到你咁. 返到屋企, 99 又抱住我個仔, 不停麻麻咩,麻麻呀 , 又抱住佢影相.  點解你可以話唔俾野佢食, 但就成日抱住佢當佢公仔咁. 我個心好痛, 我覺得好對唔住果仔.  我係餵人奶再加奶粉既. 試過連續幾次, 我餵緊人奶, 99 聽到阿B 喊兩句, 門都冇敲就衝入黎, 我當場好嬲, 我話有冇攪錯呀, 佢冇出聲出番去. 有次佢個仔都係度, 我又餵緊奶,  99又 聽到阿B 喊兩句, 又衝入黎. 好唔開心, 我覺得做左人阿媽, 好似連做人既尊重都冇. 有次99生日, 我地返去食飯. 佢又再次話我唔俾水佢個孫飲, 抱住我個仔好似body check 咁，條利有冇洗，回少少奶，就不停講，都話要掃風，有冇掃風，話左要掃，有冇掃，掃左未.99抱到阿b 喊, 我出聲話想拎番黎抱, 99扮聽唔到. 姑奶又出聲話俾麻麻抱啦.  阿仔驚到捉住我手指唔肯放.   好嬲. 我係whatsapp group 到share 番點解唔可以飲水, 我姑奶就狗衝出黎話:以前同現在育嬰方法唔同咗，你地用現在嘅方法啦，新野我地學唔晒，嫲嫲都係有時講下懷緬下湊姑媽，佢爸爸，姑姐同叔叔的時光，佢係非常尊重你地嘅方式的. 真係咩? 真係有尊重咩? 我連係group 到share 下要探初生bb 既禮儀, 我老公都覺得我對佢屋企人唔禮貌, share 下肺炎資訊點影響初生bb, 佢就私下message 佢家姐, 話我情緒唔好, 體諒下. 真係咁咩? 佢家姐就即刻入位 " 我地一向都體諒佢架啦".  我地話以後每個月返去探6299一次, 姑奶又即刻話咁少. 其實我生個小朋友已經好辛苦, 我小產過兩次, 第一次仲發生過意外整親個頭, 出院2日, 99黎探我, 仲約埋d親戚一齊上黎, 好似過年咁熱鬧. 一齊係廳傾計, 我99仲話我唔識 賴死, 所以冇人幫我. 整親唔應該自己起身, 要大吵大鬧.  我嬲, 我提哩件事, 我姑奶就話我小器, 佢舅父黎我家, 入我房開我個衣櫃, 我唔開心, 我提哩件事, 我姑奶話我玻璃心. 老人家都係冇心既, 點解要嬲.  佢仲私下同我老公講, 唔想我入佢地家庭既whatsapp group. 係俾面佢先同我講野.   我以為我老公會幫我, 但佢話我成日提佢屋企人既不是, 話我俾壓力佢.  咁我點算呀? 邊個可以幫我?  有時餵奶望住個仔望望下就會喊, 我覺得自己好委屈. 好慘 既時候, 阿仔會望住我笑, 好嗲咁攬住我. 個一下我先覺得有d安慰.  其實我只係想有人會同我講"媽媽, 你做得好好, 辛苦你啦"