【  親子教室。我可愛的家人 】 爸爸生日，Aidan話要整個超人爸爸送俾佢，原來佢覺得爸爸好似超人咁叻，爸爸知道後開心到飛起。  今次教Aidan用紙杯創作一家人，有爸爸媽媽，嫲嫲，Aidan和弟弟。 整好又可以拎黎玩，係畫家人的衣服時佢畫左架垃圾車係自己件衫上，真係有垃圾車情意結。  完成後，Aidan仲拎左個玩具蛋糕出嚟，一家人齊齊唱生日歌俾爸爸聽。 這個作品真係好好玩，佢而家每日都會拎一家人出嚟一齊玩煮飯仔。 ========================== 創作過程: - 用油粉彩畫出家人的樣子和蛋糕禮物 - 把畫好的物件剪出來 - 在紙杯上用油粉彩畫出衣服的圖案或線條 - 紙杯剩下的位置用廣告彩上色 - 把家人的頭貼在紙杯上 - 用毛絨條製作雙手 （要注意毛絨條的頭尾位置都會好尖的，家長可以預先幫小朋友屈摺入一下，就可以防止小朋友????到小手。） - 毛絨條小手拿著畫好的蛋糕禮物 - 用彩色飲管剪出一粒粒穿起做頸鏈 - 紅色毛絨布做爸爸的超人斗篷 希望大家喜歡今次的親子創作分享啦。 ========================== 材料: 白畫紙，油粉彩，廣告彩，毛絨條 紙杯，膠水，飲管，繩，毛絨布 ========================== 歡迎連絡安妮媽媽： Facebook專頁： 安妮媽媽親子日記 IG: @Annie_mama_diary | 安妮媽媽親子日記