【 如何平分兩兄弟的愛 】 至從弟弟出世後，每日臨瞓前望到兩個小寶貝，我都會有種莫名的內疚感。 望住弟弟，就會諗起今日除左餵奶沖涼換片外，我仲有無多d抱下佢，陪佢玩多一陣呢？好似只陪哥哥玩，佢就要自己一個係BB床，係咪會覺得好悶呢？ 望住哥哥，又會好內疚今日對過佢大聲講嘢，媽媽同弟弟換片餵奶時，哥哥想要我陪伴，我需要拒絶佢，又要求佢要自己玩，哥哥的內心會唔會怪責媽媽呢？ 有時忙緊餵奶換片，望到哥哥祈求的眼神，真係心都酸。 媽媽我已經好努力，但到底點先可以平均分配到d時間，可以令兩兄弟都感受到媽媽真係好愛佢地，好想無時無刻都陪伴佢地，除咗家務工作，我已經將所有的時間都放在佢哋身上，只想佢兩個健康快樂地成長！ ———————————————- 歡迎連絡安妮媽媽： Facebook專頁： 安妮媽媽親子日記 IG: @Annie_mama_diary | 安妮媽媽親子日記