依段日子，全靠凍肉，先真正做到減少出門都有啖好食。以前D人成日話買肉要買新鮮，急凍野有咩好食？時代變了，依家既急凍食品五花百門，幾靚既和牛、刺身、海鮮、熟食都通通可以係凍肉店買到，乾淨加上存放期長，凍肉一樣煮得出唔少美食！   前排摷到冰櫃底有包急凍牛腩，唔想又係柱侯炆咁悶，試試整「#清湯腩」，新鮮牛腩一斤閒閒地百幾二百蚊，急凍平70％，煮出來一樣鮮甜，以我地幾個人把咀，都食唔出係急凍野，凍肉美食又一 #成就解鎖!  「清湯腩」煮法好容易，秘訣就係清，肉一定要先出水，洗得乾乾淨淨先放湯，我連雞湯都無加，只用牛腩＋香料＋蘿蔔散發出來的香味已經夠晒，加多2個細蓉搞掂! 無堂食，屋企都可變食堂！ 「清湯腩」食譜~ 材料:  急凍牛腩    1-2斤 白蘿蔔        1條 (切件)  雲吞麵        2-3個 (粗幼都得)  牛骨/ 豬骨   隨意 (唔加都得)  水               1.5公升 蔥花/ 芫茜   裝飾用   香料:  花椒, 八角, 香葉, 桂皮 , 草果  每款少許  薑片      5-6片 洋蔥      1/3個 (切細)  1. 牛腩完全解凍切成長條形, 然後用一深煲盛水, 放下牛腩和薑片, 中火煮滾後加入約2湯匙紹酒。出水10分鐘, 然後用啤水方式清洗乾淨. 如有加牛骨或豬骨, 亦一併出水和洗淨.  2. 燒熱煲, 下油, 慢火爆香薑片和洋蔥, 然後加入牛腩略煎封兩邊 (但唔好煎燶, 否則湯就唔清)  3. 加水約1.5公斤, 煲滾後轉小火. 如有牛骨或豬肉可一拼加入湯中. 4. 香料可以用茶包盛載, 略略清洗後放入湯中 5. 慢火煮約45分鐘, 然後加入白蘿蔔, 再煮15分鐘, 熄火.  6. 熄火後焗1小時, 再翻熱, 這時牛腩已變稔, 可加入鹽調味. 另燒一煲水煮熟雲吞麵撈起, 加入湯和牛腩即可趁熱食.  小貼士:  1. 牛腩一定要出水並洗清血水才放入湯, 才不會污染成煲湯 2. 先煮後焗的方法, 會令牛腩更軟稔  3. 加入牛骨/ 豬骨煮的湯底味道會更香濃, 但不喜歡的也可不加.  聯絡合作和活動: Email: sherice_hy@yahoo.com.hk Facebook: Mini Bubble Corner   ❤Blogspot❤ ❤The Ztyle❤ ❤She.com❤ ❤wordpress❤ ❤weshare❤ ❤Pixnet❤ ❤Beauty Exchange❤ ❤mamibuy❤ ❤Oh!爸媽❤ ❤ 親子日常❤ ❤sundaykiss❤ ❤esdlife❤ ❤chef-diary❤ ❤cook1cook❤ ❤OpenRice❤