日日留在家中無所事事，今日又揾吓新嘢玩！就係扮Marvel英雄人物喇！唔好睇細佬波2歲人仔咁細個，Marvel佢熟到不得了(當然波包爸同我都係Marvel迷啦！) 咁啱細佬波又有幾套Marvel衫仔，一於拎出嚟喺屋企影吓相先！影嘅時候都係叫細佬波跳吓扮飛吓，佢都唔知發生咩事，其實後期製作用咗一整日...喺photoshop執到嘔，但細佬睇到製成品後超開心呀，真係以為自己係英雄咁，救咗家姐呀！