【16w產檢~早期妊娠糖尿測試】⠀ ⠀ 上一回講到竹媽今胎轉左產檢醫院，今胎完全體現到唔同既政府醫院(就算係同一個cluster)都真係有唔同既做法同安排⠀ ⠀ 話說我15w果時第一次見醫生做產前檢查，之前我做足晒research，一早知道東區醫院唔係高齡產婦就唔會有結構做，不過以家疫情關係，免得過都想避免去醫院咁高危既地方，所以係做T21w果時，竹媽就已經book左鄭醫生照結構。⠀ ⠀ 當日去到醫院見政府既醫生，我都預左佢都係好巡例咁問下我有冇出去私家產檢，有冇咩唔舒服呀，再用個胎心機聽左妹妹既心跳10秒，之後佢就比左一大疊覆診紙比我啦，當中係包括一星期後要返去醫院做妊娠糖尿測試（俗稱飲糖水） ⠀ 我問醫生點解我要飲兩次糖水，得到既答案係！我。是。高。齡。產。婦！真心黑人問號，醫生話35歲就已經係高齡喎，well... 其實我只係踏入左呢個年齡1個星期咋⠀ ⠀ ⭐️⭐️⭐️⭐️⭐️⭐️⭐️⭐️⭐️⭐️ ⠀ 好啦，講返去飲糖水先，認識我嘅朋友都知道我係會暈針，一抽血就會又暈又嘔（上胎真係一抽完就衝去廁所嘔），飲糖水係會係9點進行，前一晚12點就要開始禁食，即係要先空肚抽第一次血，再飲一杯大概200ml既糖水，等2個鐘再抽第二次血先可以走⠀ ⠀ 「過程」 ⠀ 1/ 飲糖水之前果晚既凌晨12點起就要開始禁食，但清水可以飲既可以飲；⠀ 2/ 早上9點就要去到醫院攞籌，再上日間病房等；⠀ 3/ 姑娘會逐個媽媽叫名，比定d form你一陣填，同埋會問清楚你前一晚有冇記得禁食；⠀ 4/ 姑娘派晒form之後就會簡單講下一陣飲糖水抽升既程序，最緊要提媽媽飲完杯糖水如果嘔既話就要作廢，要擇日重賽，如果無媽媽有問題就會叫抽血員入黎開始幫媽媽抽第一次血啦 ；⠀ 5/ 媽媽抽完血之後就要係10分鐘內飲完一大杯糖水，份量大約一杯grande既咖啡咁大杯，暖暖地既，我個人覺得唔係真係好甜，不過始終空肚又要咁快飲晒一大杯野，係會頂住個胃成日想嗝氣既；⠀ 6/ 為左令你覺得呢2個鐘好快過，同埋mon住你有冇偷偷地去左嘔，姑娘係會安排你去睇video，聽人奶講座同做小組分享；⠀ 7/ 眨下眼2個鐘，抽血員又會再出現抽多一支血，然後就走得啦⠀ ⠀ 姑娘話如果黃昏6點前都收唔到電話通知既話，就即係pass左個糖水測試啦，跟住會比第2次糖水既期（大約係24－28w）⠀ ⠀ 我隔左一個星期就去鄭醫生做產檢，上一胎已經開通左醫健通，鄭醫生就幫我睇我個血糖測試結果啦 ⠀ 空肚：3.8mmol/L (<5.1mmol/L)⠀ 2小時後：7.1mmol/L (<8.5mmol/L)⠀ ⠀ 結果係好理想既，難為我戒左口成個星期，只食肉同菜，戒澱粉質同高升糖指數(GI)既食物 ⠀ ⠀ *哪些孕婦最需要做妊娠糖尿病篩檢呢? 這包括：高齡產婦，家族成員有糖尿病史，曾有流產、早產、胎兒先天畸形，胎死腹中，羊水過多，妊娠毒血症，巨嬰，生產損傷等不良產料史或多次出現尿糖，肥胖，懷疑胎兒有過度成長等等，其實所有的產婦都可以做妊娠糖尿病篩檢。⠀ ⠀ *妊娠性糖尿病會有那些合併症呢？ 生完了會不會真的就得了糖尿病呢?妊娠糖尿病可能會產生的合併症有：羊水過多症、酮酸中毒、難產、妊娠高血壓症、水腫、急性腎盂炎等，發生引起早產的比例同樣也提高許多。這類產婦，一般都有家族遺傳的傾向，不過在產後大多會恢復正常，但是有過妊娠糖尿病的媽咪，將來發生糖尿病的機率是會比別人高出許多哦！因此，生產以後仍應每年檢查血糖。⠀ ⠀ #妊娠糖尿病⠀ #75克葡萄糖測試⠀ ⠀ ——————————————⠀⠀ ❣️IG : www.instagram.com/tamsiumoon⠀ ❣️Fb: www.facebook.com/tamsiumoon0521 ⠀ 歡迎任何關於煮食、嬰幼兒活動邀請、產品試用合作⠀ ⠀⠀ #山竹媽X竹竹日誌 #新手媽媽 #竹竹 #育兒日誌 #二寶媽 #孕媽媽 #孕媽咪 ⠀⠀ #加固心得 #母乳餵哺