大家好！呢篇係我第一篇這裡寫文，有點緊張，自從xanga年代寫blog之後，不計fashion writer那些文，我已經好耐好耐無正式寫過blog，請多多指教！ 我先簡單介紹下我自己，我有個2歲幾的仔仔，第一胎，所以就算已經過了兩年幾我依然當自己係「新手媽媽」，因為每日面對的都係未遇過的事情。就算我差不多每日24小時對住他，他依然可以給我驚喜，哈哈 有時真係又激氣又好笑。我係全職媽媽，我生BB之前辭職的。現在週不時奶奶會幫我湊一兩日，都算有「day off」？不過其實所有媽媽都知道，day off or me time 好多時候都還是做緊媽媽的工作，只不過係做些平時做不到的咁解，例如褶堆疊在BB床的衫（而BB床不是給BB訓的????）、我其他媽媽朋友會在me time製作教材等等⋯ 好喇，講咗咁耐，總之我不是一位完美的媽媽，但我努力盡力學習中。 現在進入今日呢片文主題 - 簡易食譜【南瓜炆雞翼】 材料： • 無激素雞翼 - 2 packs (或按你喜好加減) • 南瓜 - 中小size，半個   • 薑 切片 - 少量  • 鹽 - 少量  • 黑胡椒 - 少量  • 日本豉油 - 少量 (仔仔會一齊食就落少啲） Step 1: 洗乾淨雞翼，加少許鹽及黑胡椒去醃，我就唔會落得太重手因為仔仔會一齊食 同時間我會在雞翼中間剪一刀，熟得快啲 Step 2: 鑊落油開火，油熱了就落薑爆香 Step 3: 爆香了薑就落雞翼，兩面煎香至金黃色（煎的時候我會蓋上蓋防止油周圍彈，同時這樣焗一焗可以讓雞翼熟的均勻啲） 煎得咁上下這個時候我先落蒜讓道餸香啲（這個未必係正宗做法，係我不喜歡一開始落蒜擔心燶得快） Step 4: 雞翼開始金黃色，蒜亦已經香了，我會倒走少少油（因為雞翼會出好多油，太油就不是那麼健康） 之後就可以落南瓜喇 Step 5: 翻一翻啲雞翼南瓜，加少少日本豉油調味（我之後試了味道，因為南瓜本身好甜，已經不需要加其他調味料） 之後加水（加多點水，南瓜溶入水可以變汁，小朋友會好鍾意，甜甜的） 之後蓋上蓋子讓佢炆，我隨心十幾分鐘check一check，南瓜軟身了雞翼全熟就搞掂喇 食得！ 我覺得呢道餸好少調味料，好適合小朋友食。連爸爸都食得開心，因為就算無花俏調味料都好好味  我亦都VLOG了我煮的過程，可以按這裡到我Youtube頻道。 我Youtube頻道主要VLOG下媽媽日常，煮嘢食，同BB互動，有時分享下開箱屋企嘢護膚品等等。有興趣就去睇下喇。請多多指教 ：） 好喇，第一篇文費事太長氣 hahahaha thank you for reading till the end～ Please follow my IG: @flowercargo (mommy's account) & @_a_for_arthur (Illustration of Arthur's daily) Please follow my FB: A for Arthur Please subscribe to my Youtube channel: Nicole Mama (For momlife and travel vlogs)