今晚我仔仔又發脾氣扔嘢 (扔得頗兇狠的)⋯ 雖然話我哋上過早教堂讀過一些育兒書都叫父母要有同理心，陪BB喊了解佢為什麼發脾氣等等，但老實說忙完一整天其實EQ是會耗盡會降低⋯ it's easier said than done。 結果今天又同仔仔糾結了一晚，爸爸終於陪佢訓，而我就未恢復心情。究竟是我教導無方，或真的是2-3歲自主叛逆期？ 有時我真的不知怎麼教Arthur仔，好洩氣⋯ 所以我成日都話，「媽媽」這個職業是我做過的工作裡面最難的一份，有時亦是最吃力不討好的。仔仔不順意就扔玩具，我們試過好多方法，好好講、罰坐、 (不應該的) 鬧都試過，等等。而今日又再上演這戲碼⋯ 我今日心特別累。佢扭計要一樣嘢，我唔想佢覺得喊發脾氣就可以得到，我唯有陪住佢由佢喊，佢喊到流鼻涕好可憐，我心再痛都不知道可以做什麼，我只記得Ken Sir話過我們應該俾小朋友知道家是最安全可以哭的地方⋯  好啦，佢喊完終於入睡了。但是媽媽我心還是好不安，我一直諗，其實我這樣做BB會唔會嬲咗我、佢會唔會有童年陰影 (都怪我這兩日開始追韓劇「精神病但沒關係」)，諗下諗下我開始覺得自己不是一個好媽媽，自己係埋無這個天份，開始會諗埋一邊。 這個失落的時候唯有睇下電話相簿影片⋯ 睇下佢平時蠢蠢可愛的舉動、佢講的說話、佢依靠著我笑的樣子、佢笑到瞇瞇眼的樣子，再scroll上啲睇佢細個成個蕃薯咁、由未識爬到剛識行⋯ 再諗吓早上佢突然醒咗會叫「媽咪抱抱」把聲⋯ 突然覺得，心再累還是要努力下去。對我而言，就是那麼簡單，幾攰都要頂硬上。然後我就會想起自己父母，我以前頂撞他們時，他們的心情也是這樣吧？ 碎碎念完一輪心情好些了。其實我唔知這個平台可否好似平時啲blog咁隨心打下字舒緩下心情，希望是ok的。我都好想知有無媽咪小朋友有呢個情況，或媽媽們會如何在心累時放鬆心情。