成日流流長做咩好？除左食、玩，瞓，奶油寶寶都好投入童工嘅角色！ 自己公仔自己晾，自己橙汁自己榨……仲有照顧貓星人等。 奶油寶寶暫時最鐘意係用噴壺清潔窗口，再係（以為）無人望到時自噴 以下係阿娘睇書同網上搵資料時，綜合一些適合1-2歲的幼童自理和可參與的家務項目： -洗手 -刷牙 -穿/除衣服 -拿尿布 -表達要尿尿/便便 -揀想穿的衣服（阿娘會先選定兩套俾寶寶二選一） -出門前拿襪子、帽子和穿鞋等（物品可放在寶寶容易拿到的地方，例如掛起帽子在大門旁） -除鞋子和放回原處 -用杯子喝水 -自己拿餐具（阿娘都將奶油寶寶的餐具放在廳房最容拿到的地方） -倒麥皮和牛奶 -幫手預備食物，如洗、切等（暫時奶油寶寶都是預備生果，打算逐步請他幫忙其它食物！但阿娘要先執好廚房擺位） -吃完拿碗回廚房，清潔座位 -放衫入洗衣機 -拿衫出洗衣機 -晾衫（用衣夾） -執拾玩具 -掃地 -抹傢俬 -淋花 -餵寵物 以上所有項目要經過重覆的學習和嘗試，讓寶寶慢慢掌握。最重要是讓他樂在其中，知道自己是有這個能力去完成的！長遠令他會主動去自理（唔洗阿娘三吹四請！） 雖然奶油寶寶久唔久會唔肯做，仲會唱反調（例如趕時間出門口，但堅持要穿雨靴…），好似大人幫佢做仲方便快捷，不過透過耐性教導（如果果刻仲有理智維持耐性的話），寶寶慢慢會熟練這些技能並樂意去做（望就咁望，盡人事啦~）！ #未來家嫂會好感謝我 #幼童自理家務表