最近爸爸經常捱夜，所以我呢排都煲返多啲湯水比佢滋潤一下。最近去咗海味街買咗啲蠔豉，因為聽Alfred婆婆講，蠔豉有調中補虛、滋陰養血、補心安神同降虛火之功效，用嚟煲湯啲湯都夠曬鮮甜，而且好啱捱夜人士飲用。   《青紅蘿蔔粟米蠔豉日月魚湯》 材料： 靑蘿蔔 一條 紅蘿蔔 一條 蠔豉 四顆 日月魚 一小束 蜜棗 三顆 南北杏 兩湯匙 腰果 兩湯匙（因無買豬骨，所以用腰果代替。如有豬骨的話，可用豬骨）     做法： 1. 用清水浸泡日月魚至軟身（需時約30分鐘） 2. 蠔豉同南北杏略浸洗浄 3. 蜜棗用水沖一沖洗 4. 青紅蘿蔔批皮洗浄切件 5. 粟米洗淨切段 6. 所有材料（凍水落），放大煲加煲蓋大火滾 30分鐘，然後轉慢火煲 2小時，熄火加鹽調味即成（可省略）。   雖然無豬骨煲湯，但本身日月魚同蠔豉已帶咸鮮味，煲湯唔洗加鹽都夠曬鮮甜。   紅蘿蔔：健脾助消化、潤燥明目 青蘿蔔：消食化痰、下氣寬中的功效。 蠔豉：調中補虛、滋陰養血、補心安神同降虛火 日月魚：明目、補腎益肝、養顏美髮 （資料來源來自網上）   溫馨提示： 由於人人體質不同，請先了解自己個人體質是否適合飲用。 ================================= （以上資料更新至撰文當日） 聯絡電郵： alfredbb325@gmail.com 最近開始玩IG，歡迎追縱：allaboutalfred 最近開始玩YouTube，歡迎追縱： allaboutalfred 追踪更多育兒生活分享，請按 Alfred 成長日記    駐站BLOGGER: