[HKDisneyland, How are you?］ 如果有一天離開香港，可能 #香港廸士尼 會係我哋其中一個唔捨得嘅地方。 知道樂園內有維修的同事確診，相信樂園重開更加遙遙無期⋯⋯ 襯隊友放假，同大公主返學校拎完功課同其他開學物資後，一於快閃樂園酒店俾個驚喜兩姊妹 樂園嘅店舖已經有萬聖節產品上架，指定貨架T-shirts亦都有兩件八折，3件七折嘅優惠。 因為之前成日去呢度嘅關係，舖入面嘅姐姐一見大小公主就已經認得佢哋 門口左手邊多咗日本廸士尼系列嘅廚具用品，於是我都買返個米奇模用嚟煎下pancake先 現家買任何一件產品都會有一盒罐裝曲奇送，名副其實 #買一送一。  酒店內嘅 #華特餐廳 水準依舊，不過就無咗 free juice、yogurt同fruits 提供。 食食吓野突然間聽到有live band, 見到出面嘅人全部頭昂昂嘅？ 原來 #groofy  、#Pluto 同live band 一齊jam 歌 雖然呢兩個廸士尼人物唔算特別受歡迎，但係身邊嘅大小朋友一見到佢哋都莫名興奮，好似再見老朋友一樣 由於係平日嘅關係，四圍無人，酒店外嘅 #花園迷宮，小朋友放電一流，響四周嘅草地欣賞下花草，追下雀仔，一家人開開心心過咗幾小時。 去完樂園酒店差差電，令我相信呢個世界仍然 #充滿奇妙 ！